KHak-e-taiba meri aankhon ko mayassar ho jae

ḳhāk-e-taiba mirī āñkhoñ ko mayassar ho jaa.e

auj par shāh-e-umam merā muqaddar ho jaa.e

vo shahanshāh-e-zamāna hai zamāne vaalo

jo dar-e-shāh-e-madīna kā gadā ho jaa.e

parda chehre se haTā.eñ to ujālā phaile

kholeñ gesū to fazā saarī mo'attar ho jaa.e

sajda-e-ashk luTā.egā mirā dil aaqā

rauza-e-pāk nazar ko jo mayassar ho jaa.e

ġhair ābād mire qalb kā gosha gosha

shāh-e-kaunain kī yādoñ se mo'attar ho jaa.e

hai yahī 'arz-e-tamannā ki qazā se pahle

hāzirī shāh-e-'arab aap ke dar par ho jaa.e

un ke talvoñ se rahūñ maiñ bhī lipaT kar ai 'shamīm'

ḳhāk-e-taiba kī tarah merā muqaddar ho jaa.e

KHak-e-taiba meri aankhon ko mayassar ho jae

auj par shah-e-umam mera muqaddar ho jae

wo shahanshah-e-zamana hai zamane walo

jo dar-e-shah-e-madina ka gada ho jae

parda chehre se haTaen to ujala phaile

kholen gesu to faza sari mo'attar ho jae

sajda-e-ashk luTaega mera dil aaqa

rauza-e-pak nazar ko jo mayassar ho jae

ghair aabaad mere qalb ka gosha gosha

shah-e-kaunain ki yaadon se mo'attar ho jae

hai yahi 'arz-e-tamanna ki qaza se pahle

haziri shah-e-'arab aap ke dar par ho jae

un ke talwon se rahun main bhi lipaT kar ai 'shamim'

KHak-e-taiba ki tarah mera muqaddar ho jae