KHudaya nai zindagi chahta hun

ḳhudāyā na.ī zindagī chāhtā huuñ

faqat dil meñ hubb-e-nabī chāhtā huuñ

mire dil meñ rahne de ishq-e-mohammad

maiñ ai chārāgar kab kamī chāhtā huuñ

madīne kī galiyāñ hoñ aur merā sar ho

maiñ apne meñ ye be-ḳhudī chāhtā huuñ

har ik zarra jin par kahe yā-mohammad

vo jalvoñ kī tābindagī chāhtā huuñ

mohammad ho yā mustafā ho ki ahmad

har ik lafz par be-ḳhudī chāhtā huuñ

guzar jaa.e jo sirf yād-e-nabī meñ

maiñ haq se vahī zindagī chāhtā huuñ

ho nām-e-mohamād se āġhāz jis kā

maiñ 'bahzād' vo shā.erī chāhtā huuñ

KHudaya nai zindagi chahta hun

faqat dil mein hubb-e-nabi chahta hun

mere dil mein rahne de ishq-e-mohammad

main ai chaaragar kab kami chahta hun

madine ki galiyan hon aur mera sar ho

main apne mein ye be-KHudi chahta hun

har ek zarra jin par kahe ya-mohammad

wo jalwon ki tabindagi chahta hun

mohammad ho ya mustafa ho ki ahmad

har ek lafz par be-KHudi chahta hun

guzar jae jo sirf yaad-e-nabi mein

main haq se wahi zindagi chahta hun

ho nam-e-mohamad se aaghaz jis ka

main 'bahzad' wo shaeri chahta hun