kiye ja saba tu madine ki baaten

kiye jā sabā tū madīne kī bāteñ

yahī haiñ yahī mere jiine kī bāteñ

maiñ us par tasadduq maiñ qurbān us par

mujhe jo sunā.e madīne kī bāteñ

mujhe kyā zamāne kī bātoñ se matlab

ye bāteñ nahīñ mere jiine kī bāteñ

kiye jā madīne se ai aane vaale

mohammad kī bāteñ madīne kī bāteñ

ḳhudā tujh ko duniyā meñ ābād rakkhe

sunā de mujhe kuchh madīne kī bāteñ

mire qalb-e-betāb ko kahne vaale

sukūñ baḳhshtī haiñ madīne kī bāteñ

ḳhudā din vo laa.e ki 'bahzād' sun luuñ

madīne meñ jā kar madīne kī bāteñ

kiye ja saba tu madine ki baaten

yahi hain yahi mere jine ki baaten

main us par tasadduq main qurban us par

mujhe jo sunae madine ki baaten

mujhe kya zamane ki baaton se matlab

ye baaten nahin mere jine ki baaten

kiye ja madine se ai aane wale

mohammad ki baaten madine ki baaten

KHuda tujh ko duniya mein aabaad rakkhe

suna de mujhe kuchh madine ki baaten

mere qalb-e-betab ko kahne wale

sukun baKHshti hain madine ki baaten

KHuda din wo lae ki 'bahzad' sun lun

madine mein ja kar madine ki baaten