منظر حضور ہیں پس منظر حضور ہیں

منظر حضور ہیں پس منظر حضور ہیں

میری نگاہ و فکر کا محور حضور ہیں

یکتائے عبدیت ہیں رسالت میں ایک ہیں

بندے خدا کے بہتر و برتر حضور ہیں

روح روان موج الٰہ ذات آپؐ کی

بحر الوہیت کے شناور حضور ہیں

قد آوروں میں روز ازل سے ابد تلک

قرآن کہہ رہا ہے قد آور حضور ہیں

یعنی ہر اک مقام کمال عروج پر

کہتی ہے چشم دل کہ برابر حضور ہیں

سب معترف ہیں جان کی تقدیس کے مگر

کہتی ہے جاں کہ جان سے بڑھ کر حضور ہیں

وصفیؔ بہ ہر مقام بہر لمحہ ہر زماں

تنہا حبیب داور محشر حضور ہیں