manzar huzur hain pas-e-manzar huzur hain

manzar huzūr haiñ pas-e-manzar huzūr haiñ

merī nigāh-o-fikr kā mehvar huzūr haiñ

yaktā-e-'abdiyat haiñ risālat meñ ek haiñ

bande ḳhudā ke behtar-o-bartar huzūr haiñ

rūh-e-ravān-e-mauj-e-ilāh zaat aap kī

bahr-e-ulūhiyat ke shanāvar huzūr haiñ

qad-āvaroñ meñ roz-e-azal se abad talak

qur.ān kah rahā hai qad-āvar huzūr haiñ

yā'nī har ik maqām-e-kamāl-e-'urūj par

kahtī hai chashm-e-dil ki barābar huzūr haiñ

sab mo'tarif haiñ jaan kī taqdīs ke magar

kahtī hai jaañ ki jaan se baḌh kar huzūr haiñ

'vasfī' ba-har-maqām ba-har-lamha har zamāñ

tanhā habīb-e-dāvar-e-mahshar huzūr haiñ

manzar huzur hain pas-e-manzar huzur hain

meri nigah-o-fikr ka mehwar huzur hain

yakta-e-'abdiyat hain risalat mein ek hain

bande KHuda ke behtar-o-bartar huzur hain

ruh-e-rawan-e-mauj-e-ilah zat aap ki

bahr-e-uluhiyat ke shanawar huzur hain

qad-awaron mein roz-e-azal se abad talak

quran kah raha hai qad-awar huzur hain

ya'ni har ek maqam-e-kamal-e-'uruj par

kahti hai chashm-e-dil ki barabar huzur hain

sab mo'tarif hain jaan ki taqdis ke magar

kahti hai jaan ki jaan se baDh kar huzur hain

'wasfi' ba-har-maqam ba-har-lamha har zaman

tanha habib-e-dawar-e-mahshar huzur hain