mirā mudda.ā haiñ madīne kī rāheñ
mirā aasrā haiñ madīne kī rāheñ
pahuñch jaanā manzil pe mushkil nahīñ hai
ki ḳhud rahnumā haiñ madīne kī rāheñ
mirī mushkileñ mushkileñ kab rahī haiñ
ki mushkil-kushā haiñ madīne kī rāheñ
inhīñ se pahuñch jā.ūñgā maiñ ḳhudā tak
ki rāh-e-ḳhudā haiñ madīne kī rāheñ
na āñkhoñ se haiñ duur husn-e-tasavvur
na dil se judā haiñ madīne kī rāheñ
har ik zarre meñ sau gulistāñ chhupe haiñ
ajab pur-fazā haiñ madīne kī rāheñ
mujhe khīñche letī haiñ 'bahzād'-e-muztar
na pūchho ki kyā haiñ madīne kī rāheñ
mera muddaa hain madine ki rahen
mera aasra hain madine ki rahen
pahunch jaana manzil pe mushkil nahin hai
ki KHud rahnuma hain madine ki rahen
meri mushkilen mushkilen kab rahi hain
ki mushkil-kusha hain madine ki rahen
inhin se pahunch jaunga main KHuda tak
ki rah-e-KHuda hain madine ki rahen
na aankhon se hain dur husn-e-tasawwur
na dil se juda hain madine ki rahen
har ek zarre mein sau gulistan chhupe hain
ajab pur-faza hain madine ki rahen
mujhe khinche leti hain 'bahzad'-e-muztar
na puchho ki kya hain madine ki rahen
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.