mohammad rahmatul-lilalamin hai

mohammad rahmatul-lil'ālamīñ hai

mohammad bādshāh-e-mursalīñ hai

mohammad ḳhātam-e-kul-ambiyā hai

mohammad nūr-e-rabb-al-ālamīñ hai

mohammad jaan hai jān-e-do-ālam

mohammad bā.is-e-duniyā-o-dīñ hai

ḳhudā rahmān hai donoñ-jahāñ meñ

mohammad rahmatul-lil'ālamīñ hai

mohammad kī ajab pyārī hai sūrat

ki shaidā jis pe sūrat-āfrīñ hai

mohammad ko banā kar haq ye bolā

mohammad sā do-ālam meñ nahīñ hai

mohammad yā-mohammad yā-mohammad

yahī dard-e-dil-o-jān-e-hazīñ hai

mohammad par fidā sau jaañ se 'ġhausī'

ye us kā jān-e-jāñ īmān-o-dīñ hai

mohammad rahmatul-lil'alamin hai

mohammad baadshah-e-mursalin hai

mohammad KHatam-e-kul-ambiya hai

mohammad nur-e-rabb-al-alamin hai

mohammad jaan hai jaan-e-do-alam

mohammad bais-e-duniya-o-din hai

KHuda rahman hai donon-jahan mein

mohammad rahmatul-lil'alamin hai

mohammad ki ajab pyari hai surat

ki shaida jis pe surat-afrin hai

mohammad ko bana kar haq ye bola

mohammad sa do-alam mein nahin hai

mohammad ya-mohammad ya-mohammad

yahi dard-e-dil-o-jaan-e-hazin hai

mohammad par fida sau jaan se 'ghausi'

ye us ka jaan-e-jaan iman-o-din hai