na lunga ghair ka koi sahaara ya-rasulullah

na lūñgā ġhair kā koī sahārā yā-rasūlullāh

tumhāre hī sahāre kā hai yaarā yā-rasūlullāh

muqaddar ho mirā har dam sitāroñ kī tarah raushan

sadā ho auj par merā sitārā yā-rasūlullāh

nubuvvat kī gavāhī mil ga.ī shaqq-ul-qamar se jab

zamāna ho ke dīvāna pukārā yā-rasūlullāh

farishte dam-ba-ḳhud the nuur ko jab 'arsh par dekhā

tumhārā hī tumhārā thā nazāra yā-rasūlullāh

mire chāroñ taraf baḌhtī huī ātish nishānī hai

bachāo mujh ko tum hī ab ḳhudārā yā-rasūlullāh

mire aaqā mire daatā mire maulā mire maulā

tumhāre pyaar kā kab se huuñ maarā yā-rasūlullāh

bulā lo is 'adīb'-e-jāñ-balab ko apne hī dar par

nahīñ mumkin ghaḌī bhar bhī guzārā yā-rasūlullāh

na lunga ghair ka koi sahaara ya-rasulullah

tumhaare hi sahaare ka hai yara ya-rasulullah

muqaddar ho mera har dam sitaron ki tarah raushan

sada ho auj par mera sitara ya-rasulullah

nubuwwat ki gawahi mil gai shaqq-ul-qamar se jab

zamana ho ke diwana pukara ya-rasulullah

farishte dam-ba-KHud the nur ko jab 'arsh par dekha

tumhaara hi tumhaara tha nazara ya-rasulullah

mere chaaron taraf baDhti hui aatish nishani hai

bachao mujh ko tum hi ab KHudara ya-rasulullah

mere aaqa mere data mere maula mere maula

tumhaare pyar ka kab se hun mara ya-rasulullah

bula lo is 'adib'-e-jaan-balab ko apne hi dar par

nahin mumkin ghaDi bhar bhi guzara ya-rasulullah