phir yaad jo aai hai madine ki bulane

phir yaad jo aa.ī hai madīne kī bulāne

kyā yaad kiyā phir mujhe shāh-e-do-sarā ne

aisā hai to phir fikr hai kyoñ zād-e-safar kī

kyā ġhaib ke khul jā.eñge mujh par na ḳhazāne

maiñ ġhalba-e-ā'dā se Darā huuñ na darūñgā

ye hausla baḳhshā hai mujhe sher-e-ḳhudā ne

thā shab ko jo maiñ hāzir-e-darbār-e-mohammad

chhoḌā hai asar dil pe 'ajab us kī fazā ne

'hasrat' mujhe us jān-e-jahāñ se hai ta'alluq

samjhe ki na samjhe koī jaane ki na jaane

phir yaad jo aai hai madine ki bulane

kya yaad kiya phir mujhe shah-e-do-sara ne

aisa hai to phir fikr hai kyon zad-e-safar ki

kya ghaib ke khul jaenge mujh par na KHazane

main ghalba-e-a'da se Dara hun na darunga

ye hausla baKHsha hai mujhe sher-e-KHuda ne

tha shab ko jo main hazir-e-darbar-e-mohammad

chhoDa hai asar dil pe 'ajab us ki faza ne

'hasrat' mujhe us jaan-e-jahan se hai ta'alluq

samjhe ki na samjhe koi jaane ki na jaane