tamanna hai ki marte waqt bhi hum muskuraate hon

tamanna hai ki marte vaqt bhī ham muskurāte hoñ

zabāñ par yā-mohammad ho jab is duniyā se jaate hoñ

bane ai kaash us dam sāz-e-hastī āḳhrī hichkī

farishte naġhma-e-salle-alā jab gungunāte hoñ

maza jab hai ki ham dīvāna-vār un kī taraf jaa.eñ

ishāroñ se shah-e-har-do-sarā ham ko bulāte hoñ

shab-e-furqat kī in rangīniyoñ par jān-o-dil sadqe

tumhārī yaad ho dil meñ sitāre jhilmilāte hoñ

na kyoñ ūñchā ho saare ambiyā se martaba un kā

sifārish kar ke jo ummat ko apnī baḳhshvāte hoñ

sukūñ kī sā.atoñ meñ kaun un ko bhuul saktā hai

dam-e-mushkil jo har ik be-navā ke kaam aate hoñ

bayāñ ho kyā 'shakīl' us bazm-e-dil kī jalva-sāmānī

habīb-e-kibriyā jis bazm meñ tashrīf laate hoñ

tamanna hai ki marte waqt bhi hum muskuraate hon

zaban par ya-mohammad ho jab is duniya se jate hon

bane ai kash us dam saz-e-hasti aaKHri hichki

farishte naghma-e-salle-ala jab gungunate hon

maza jab hai ki hum diwana-war un ki taraf jaen

ishaaron se shah-e-har-do-sara hum ko bulate hon

shab-e-furqat ki in ranginiyon par jaan-o-dil sadqe

tumhaari yaad ho dil mein sitare jhilmilate hon

na kyon uncha ho sare ambiya se martaba un ka

sifarish kar ke jo ummat ko apni baKHshwate hon

sukun ki saaton mein kaun un ko bhul sakta hai

dam-e-mushkil jo har ek be-nawa ke kaam aate hon

bayan ho kya 'shakil' us bazm-e-dil ki jalwa-samani

habib-e-kibriya jis bazm mein tashrif late hon