wo mukammal kitab jaisa tha
vo mukammal kitāb jaisā thā
harf us kā nisāb jaisā thā
us kī miltī nahīñ misāl kahīñ
ahmadī inqalāb jaisā thā
sāhib-e-kun ne phir kabhī na kiyā
aap kā intiḳhāb jaisā thā
vo ki aayā naved-e-amn liye
pahle jiinā 'azāb jaisā thā
mahkā kirdār-e-ādmī us se
qurb us kā gulāb jaisā thā
sāya-e-amn thiiñ ghanī zulfeñ
us kā ruḳh māhtāb jaisā thā
zulmat-e-kufr miT ga.ī vo nabī
zau-fishāñ āftāb jaisā thā
wo mukammal kitab jaisa tha
harf us ka nisab jaisa tha
us ki milti nahin misal kahin
ahmadi inqalab jaisa tha
sahib-e-kun ne phir kabhi na kiya
aap ka intiKHab jaisa tha
wo ki aaya nawed-e-amn liye
pahle jina 'azab jaisa tha
mahka kirdar-e-admi us se
qurb us ka gulab jaisa tha
saya-e-amn thin ghani zulfen
us ka ruKH mahtab jaisa tha
zulmat-e-kufr miT gai wo nabi
zau-fishan aaftab jaisa tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
