yaad-ee-taiba aa gai pinjre mein bahlane mujhe

yād-e-taiba aa ga.ī piñjre meñ bahlāne mujhe

maiñ paroñ ko dekhtā huuñ aur dīvāne mujhe

maiñ nabī kī sabz rahmat kī taraf chalne lagā

rāsta dene lage mahfil meñ parvāne mujhe

har qadam par shahr-e-taiba kī taraf baḌhtā huuñ maiñ

kaifiyat dil kī nahīñ detī hai ghabrāne mujhe

mujh pe ye jūd-o-karam thā ishq-e-sarvar ke tufail

apnoñ ke jaise mile taiba meñ begāne mujhe

maiñ pas-e-dīvār baiThā qāfiloñ ko sochtā

aur ik din aa ga.e ghar saath le jaane mujhe

na.at paḌhtā huuñ to mujh par phuul khilte haiñ so maiñ

DhūñDhtā rahtā huuñ vīrāne to vīrāne mujhe

ashk palkoñ se abhī dahlīz tak pahuñchā na thā

aur labālab bhar ga.e rahmat ke paimāne mujhe

yaad-e-taiba aa gai pinjre mein bahlane mujhe

main paron ko dekhta hun aur diwane mujhe

main nabi ki sabz rahmat ki taraf chalne laga

rasta dene lage mahfil mein parwane mujhe

har qadam par shahr-e-taiba ki taraf baDhta hun main

kaifiyat dil ki nahin deti hai ghabrane mujhe

mujh pe ye jud-o-karam tha ishq-e-sarwar ke tufail

apnon ke jaise mile taiba mein begane mujhe

main pas-e-diwar baiTha qafilon ko sochta

aur ek din aa gae ghar sath le jaane mujhe

nat paDhta hun to mujh par phul khilte hain so main

DhunDhta rahta hun virane to virane mujhe

ashk palkon se abhi dahliz tak pahuncha na tha

aur labaalab bhar gae rahmat ke paimane mujhe