gum-shuda suraj

mai.n ne chand piile KHvaab bo.e the

tab se nii.nd kaa suuraj merii aa.nkho.n me.n

tuluu' nahii.n hu.aa

chhuTTiyo.n me.n imtihaan kii tayyaarii karne ke bajaa.e

mai.n ne nafsiyaat kaa mutaale'a kiyaa

aur jaanaa ki socho.n se chhuTkaaraa paane ke liye

masruufiyaat ko ba.Dhaanaa chaahiye

lekin tumhe.n sochne ke sivaa

mujhe ko.ii aur kaam nahii.n milaa

sa.Dak kinaare baiThaa buu.Dhaa gul-farosh

mai.n us se ek kaa kahtii huu.n

lekin vo muskuraate hu.e mujhe do phuul detaa hai

chaa.e ke Dhaabe ke baahar ek bosiida mez

mujhe bahut pasand hai

kyo.n ki us par ko.ii nahii.n baiThtaa

chaa.e vaalaa jaantaa hai ki mujhe

miiThii chaa.e bilkul pasand nahii.n

lekin chand roz se vo miiThii chaa.e ke do cup laataa hai

aur vahaa.n baiThe log tahsiin bharii nigaaho.n se

merii jaanib dekhte hai.n

buu.Dhaa gul-farosh aur chaa.e vaalaa

mere bahut achchhe dost hai.n

mai.n jaantii huu.n vo jhuuT nahii.n bolte

is liye aa.iine me.n dekhtii huu.n

aur ghar me.n bhii har jagah tumhe.n talaash kartii huu.n

lekin tum kahii.n nahii.n milte

mai.n ka.ii baar nazar bhii check karvaa chukii huu.n

lekin 'ainak ke number me.n ko.ii izaafa nahii.n hu.aa

aur mai.n saarii raat use haath me.n pak.De

sochtii huu.n ki tum sab ko mere paas nazar aate ho

mai.n tumhe.n kyo.n dekh nahii.n paatii

mai.n ne chand piile KHvaab bo.e the

tab se nii.nd kaa suuraj merii aa.nkho.n me.n

tuluu' nahii.n hu.aa

chhuTTiyo.n me.n imtihaan kii tayyaarii karne ke bajaa.e

mai.n ne nafsiyaat kaa mutaale'a kiyaa

aur jaanaa ki socho.n se chhuTkaaraa paane ke liye

masruufiyaat ko ba.Dhaanaa chaahiye

lekin tumhe.n sochne ke sivaa

mujhe ko.ii aur kaam nahii.n milaa

sa.Dak kinaare baiThaa buu.Dhaa gul-farosh

mai.n us se ek kaa kahtii huu.n

lekin vo muskuraate hu.e mujhe do phuul detaa hai

chaa.e ke Dhaabe ke baahar ek bosiida mez

mujhe bahut pasand hai

kyo.n ki us par ko.ii nahii.n baiThtaa

chaa.e vaalaa jaantaa hai ki mujhe

miiThii chaa.e bilkul pasand nahii.n

lekin chand roz se vo miiThii chaa.e ke do cup laataa hai

aur vahaa.n baiThe log tahsiin bharii nigaaho.n se

merii jaanib dekhte hai.n

buu.Dhaa gul-farosh aur chaa.e vaalaa

mere bahut achchhe dost hai.n

mai.n jaantii huu.n vo jhuuT nahii.n bolte

is liye aa.iine me.n dekhtii huu.n

aur ghar me.n bhii har jagah tumhe.n talaash kartii huu.n

lekin tum kahii.n nahii.n milte

mai.n ka.ii baar nazar bhii check karvaa chukii huu.n

lekin 'ainak ke number me.n ko.ii izaafa nahii.n hu.aa

aur mai.n saarii raat use haath me.n pak.De

sochtii huu.n ki tum sab ko mere paas nazar aate ho

mai.n tumhe.n kyo.n dekh nahii.n paatii