kaa.enaat kaa aaKHirii dukh

KHudaa ke ghar me.n naqab lagaa kar

roTiyaa.n churaane vaale

jab footpath par baiTh kar khaane lage

ka.ii din se bhuuke kutto.n ne shor machaa kar

pahre-daaro.n ko aagaah kar diyaa

vo tiin tikonii baargaah me.n pesh kiye ga.e

to insaaf kii uu.nchii masnad par

tasbiih ke daano.n ne dastak dii

jo mismaar shahr se baraamad hu.e

aur saste daamo.n KHariide ga.e fatvo.n kaa aks

ek daa.ere me.n

ruuhaanii masarrat se jhuumne lagaa

soch ke sannaaTe me.n bayaan kiyaa gayaa

kaa.enaat kaa aaKHirii dukh

magar KHaamoshii ke saath tai kar dii ga.ii

shahr ke vastii chauk me.n shor machaatii

maut ke jashn kii taariiKH

aur pattharo.n kii baarish ke Dar se

dustbin me.n phe.nk diyaa gayaa

bhuuk kaa dastaKHat-shuda KHat bhii

phir KHudaa ke naam kii taKHtii dekh kar ghanTii bajaane vaalo.n ne

kaTahre ko ka.ii baar chuumaa

aur a.ndhere ke aage sajda-rez ho ga.e

KHudaa ke ghar me.n naqab lagaa kar

roTiyaa.n churaane vaale

jab footpath par baiTh kar khaane lage

ka.ii din se bhuuke kutto.n ne shor machaa kar

pahre-daaro.n ko aagaah kar diyaa

vo tiin tikonii baargaah me.n pesh kiye ga.e

to insaaf kii uu.nchii masnad par

tasbiih ke daano.n ne dastak dii

jo mismaar shahr se baraamad hu.e

aur saste daamo.n KHariide ga.e fatvo.n kaa aks

ek daa.ere me.n

ruuhaanii masarrat se jhuumne lagaa

soch ke sannaaTe me.n bayaan kiyaa gayaa

kaa.enaat kaa aaKHirii dukh

magar KHaamoshii ke saath tai kar dii ga.ii

shahr ke vastii chauk me.n shor machaatii

maut ke jashn kii taariiKH

aur pattharo.n kii baarish ke Dar se

dustbin me.n phe.nk diyaa gayaa

bhuuk kaa dastaKHat-shuda KHat bhii

phir KHudaa ke naam kii taKHtii dekh kar ghanTii bajaane vaalo.n ne

kaTahre ko ka.ii baar chuumaa

aur a.ndhere ke aage sajda-rez ho ga.e