maayuusii
safar
zindagii kaa kab hogaa muKHtasar
maa'luum nahii.n
chale jaa rahe hai.n
sunsaan viiraan raah me.n ho kar
jahaa.n kii aab-o-taab se duur
uktaa kar KHud se
na manzil kaa pata hai
na safar ke anjaam kaa hii pata
ek chehra
jo chunaa aur mahsuus kiyaa
alag
sab se alag
jo lagaa thaa jugnuu
phailii hu.ii tiirgii me.n
dafnaa diyaa
use dil ke aa.iina-KHaane me.n
sadaa ke liye aur cha.Dhaa dii miTTii us par
usuulo.n rivaajo.n aur rasmo.n kii
par vo chehra
ab bhii jhaa.nktaa hai
hame.n hamaare tasavvuraat me.n
bakhe.Do.n me.n
karaataa hai ehsaas
dha.Dkan ko dha.Dkan me.n us ke hone kaa
lagtaa hai bahne
ban kar lahuu
rag rag me.n
is rabt ko miTaane kii koshish naakaam hai yaqiinan
sochte hai.n
aa kar tang is jag se chale bhii ga.e
KHudaa ke paas
to kahe.nge kyaa us se
ki us kii dii zindagii me.n KHuub haasil kii hai ham ne maayuusii
aur sirf maayuusii
safar
zindagii kaa kab hogaa muKHtasar
maa'luum nahii.n
chale jaa rahe hai.n
sunsaan viiraan raah me.n ho kar
jahaa.n kii aab-o-taab se duur
uktaa kar KHud se
na manzil kaa pata hai
na safar ke anjaam kaa hii pata
ek chehra
jo chunaa aur mahsuus kiyaa
alag
sab se alag
jo lagaa thaa jugnuu
phailii hu.ii tiirgii me.n
dafnaa diyaa
use dil ke aa.iina-KHaane me.n
sadaa ke liye aur cha.Dhaa dii miTTii us par
usuulo.n rivaajo.n aur rasmo.n kii
par vo chehra
ab bhii jhaa.nktaa hai
hame.n hamaare tasavvuraat me.n
bakhe.Do.n me.n
karaataa hai ehsaas
dha.Dkan ko dha.Dkan me.n us ke hone kaa
lagtaa hai bahne
ban kar lahuu
rag rag me.n
is rabt ko miTaane kii koshish naakaam hai yaqiinan
sochte hai.n
aa kar tang is jag se chale bhii ga.e
KHudaa ke paas
to kahe.nge kyaa us se
ki us kii dii zindagii me.n KHuub haasil kii hai ham ne maayuusii
aur sirf maayuusii
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
