mai.n tumhe.n pukaartaa huu.n

jab uu.nche pahaa.D par havaa.e.n

chii.D ke patto.n se

bansii bajaatii guzartii hai.n

din KHaana-ba-dosho.n kii tarah bistar uThaa.e

chaa.nd kaa ta'aaqub kartaa hai

mai.n tumhe.n pukaartaa huu.n

jab parinde barf-baarii ke KHauf se

shaam se pahle ghar lauT chuke hai.n

mai.n mallaah kii rasso.n se uljhii kashtii me.n

kutto.n ke saath dubak kar baiThaa

kisii mo'jize kaa muntazir huu.n

mai.n tumhe.n pukaartaa huu.n

jab duur se aane vaalii kuu.nje.n

mausam ke badal jaane par u.Dii jaa rahii hai.n

bandar-gaah par aaKHirii

jahaaz langar-andaaz ho chukaa hai

jhaag u.Daataa samundar

hamaarii mohabbat ke saalaana sog me.n

marsiye pa.Dh rahaa hai ki tum bahut duur ho

bahut duur ho

is qadar duur ho

ki kuchh sun nahii.n saktii.n

jab uu.nche pahaa.D par havaa.e.n

chii.D ke patto.n se

bansii bajaatii guzartii hai.n

din KHaana-ba-dosho.n kii tarah bistar uThaa.e

chaa.nd kaa ta'aaqub kartaa hai

mai.n tumhe.n pukaartaa huu.n

jab parinde barf-baarii ke KHauf se

shaam se pahle ghar lauT chuke hai.n

mai.n mallaah kii rasso.n se uljhii kashtii me.n

kutto.n ke saath dubak kar baiThaa

kisii mo'jize kaa muntazir huu.n

mai.n tumhe.n pukaartaa huu.n

jab duur se aane vaalii kuu.nje.n

mausam ke badal jaane par u.Dii jaa rahii hai.n

bandar-gaah par aaKHirii

jahaaz langar-andaaz ho chukaa hai

jhaag u.Daataa samundar

hamaarii mohabbat ke saalaana sog me.n

marsiye pa.Dh rahaa hai ki tum bahut duur ho

bahut duur ho

is qadar duur ho

ki kuchh sun nahii.n saktii.n