nauha pa.Dhne vaalaa ko.ii nahii.n

maut mere darvaaze par

dastak nahii.n detii

haalaa.nki use hamaaraa galii number maa'luum hai

abhii kal kii baat hai

hamsaayo.n kii na.ii navelii dul.han bhagaa le ga.ii

mai.n us kii taak me.n rahtaa huu.n

vo aakar mujhe le jaa.e

qarze me.n dii hu.ii ruuh

jo ab baGaavat par utar aa.ii hai

mai.n kabhii-kabhaar maut ko kuttaa samajh kar

zindagii kaa gosht phe.nktaa huu.n

vo bhau.nktii hu.ii aage nikal jaatii hai

shaayad merii maut par

nauha pa.Dhne vaalaa ko.ii nahii.n

ka.ii saal biit ga.e

mai.n lafzo.n kaa ambaar lagaa chukaa huu.n

magar aaj us ke saamne kyaa phe.nkuu.n

jise dekh kar vo jaan sake

mere baa'd ye alfaaz

nauha pa.Dhe.nge

maut mere darvaaze par

dastak nahii.n detii

haalaa.nki use hamaaraa galii number maa'luum hai

abhii kal kii baat hai

hamsaayo.n kii na.ii navelii dul.han bhagaa le ga.ii

mai.n us kii taak me.n rahtaa huu.n

vo aakar mujhe le jaa.e

qarze me.n dii hu.ii ruuh

jo ab baGaavat par utar aa.ii hai

mai.n kabhii-kabhaar maut ko kuttaa samajh kar

zindagii kaa gosht phe.nktaa huu.n

vo bhau.nktii hu.ii aage nikal jaatii hai

shaayad merii maut par

nauha pa.Dhne vaalaa ko.ii nahii.n

ka.ii saal biit ga.e

mai.n lafzo.n kaa ambaar lagaa chukaa huu.n

magar aaj us ke saamne kyaa phe.nkuu.n

jise dekh kar vo jaan sake

mere baa'd ye alfaaz

nauha pa.Dhe.nge