qabro.n par baarish

baarish girtii hai

maTyaalii qabro.n par baarish girtii hai

hadd-e-nazar tak jal-thal

siilaa siilaa KHvaab musalsal

yaad nahii.n mai.n ne baarish ko pahlii baar kahaa.n dekhaa thaa

khi.Dkii me.n yaa KHvaab me.n

chhat par yaa dariyaa ke kinaare

africa ke bachcho.n kii banjar aa.nkho.n me.n

yaa bangaal me.n nangii laasho.n vaale sogii saahilo.n par

kitnii baarishe.n dafn hai.n jaane is baarish ke niiche

ek galii ke ThanDe paanii me.n bhuulaa bachpan chaltaa thaa

ek mahaktaa aa.nchal ko.ii giilaa chehra po.nchh rahaa thaa

jaane kahaa.n mai.n phe.nk aayaa huu.n

vo dil aur vo juute

tairtii taKHtiyaa.n bhiige baste

pyaasii kuuk kisii koyal kii

duur harii tanhaa.ii me.n

ik giit jo us ke lab ne mere lab se ju.D kar gaayaa thaa

ik jaltii bujhtii shaam judaa.ii

saavan kii pahlii buu.ndo.n me.n

jis ne itne rang bhare the

merii umr ke KHaalii-pan me.n

aaj KHud us kaa apnaa ko.ii rang nahii.n

maTyaalii qabro.n par baarish girtii hai

be-maqsad hai jaise zindagii

be-ma.anii hai jaise maut

baarish girtii hai

maTyaalii qabro.n par baarish girtii hai

hadd-e-nazar tak jal-thal

siilaa siilaa KHvaab musalsal

yaad nahii.n mai.n ne baarish ko pahlii baar kahaa.n dekhaa thaa

khi.Dkii me.n yaa KHvaab me.n

chhat par yaa dariyaa ke kinaare

africa ke bachcho.n kii banjar aa.nkho.n me.n

yaa bangaal me.n nangii laasho.n vaale sogii saahilo.n par

kitnii baarishe.n dafn hai.n jaane is baarish ke niiche

ek galii ke ThanDe paanii me.n bhuulaa bachpan chaltaa thaa

ek mahaktaa aa.nchal ko.ii giilaa chehra po.nchh rahaa thaa

jaane kahaa.n mai.n phe.nk aayaa huu.n

vo dil aur vo juute

tairtii taKHtiyaa.n bhiige baste

pyaasii kuuk kisii koyal kii

duur harii tanhaa.ii me.n

ik giit jo us ke lab ne mere lab se ju.D kar gaayaa thaa

ik jaltii bujhtii shaam judaa.ii

saavan kii pahlii buu.ndo.n me.n

jis ne itne rang bhare the

merii umr ke KHaalii-pan me.n

aaj KHud us kaa apnaa ko.ii rang nahii.n

maTyaalii qabro.n par baarish girtii hai

be-maqsad hai jaise zindagii

be-ma.anii hai jaise maut