muntazir hai sham

do-jahāñ kā husn le kar muntazir hai shaam khiḌkī par

shikasta-pursī nā-ummīd ashk āñkhoñ meñ bhar kar

is tarah sākit na baiTho ik jagah par

kāñch ko patthar kī sañgat meñ hī rahnā ho

to ik rasta ye hai

vo fāsloñ ko darmiyāñ rakhe

suno

ye ziist aisī shai nahīñ mil pā.egī phir

do-jahāñ kā husn le kar muntazir hai shaam khiḌkī par

chalo halke se rañgoñ kī lapeTo oḌhnī

barāmde meñ us se kheleñgī havā.eñ kāsnī

phir jāmunī sī raushnī oḌhā.egī ik maḳhmalīñ chādar

muqayyash us meñ sitāre Tāñkne utreñge

dekho

zindagī kā aur ik din hai guzarne ko uTho to

do-jahāñ kā husn le kar muntazir hai shaam khiḌkī par

do-jahan ka husn le kar muntazir hai sham khiDki par

shikasta-pursi na-ummid ashk aankhon mein bhar kar

is tarah sakit na baiTho ek jagah par

kanch ko patthar ki sangat mein hi rahna ho

to ek rasta ye hai

wo faslon ko darmiyan rakhe

suno

ye zist aisi shai nahin mil paegi phir

do-jahan ka husn le kar muntazir hai sham khiDki par

chalo halke se rangon ki lapeTo oDhni

baramde mein us se khelengi hawaen kasni

phir jamuni si raushni oDhaegi ek maKHmalin chadar

muqayyash us mein sitare Tankne utrenge

dekho

zindagi ka aur ek din hai guzarne ko uTho to

do-jahan ka husn le kar muntazir hai sham khiDki par