pashemani

maut kā raag nafīrī pe bajātī āuThī

lo jhulastī huī lau

āuThī

baḌhī

ret pe jaise dhuāñ uThtā ho

sarsarāhaT sī daraḳhtoñ meñ huī

patte murjhā ga.e

girne lage

vo un ke khaḌakne kī sadā mere ḳhudā

lū ke hamrāh baḌhe

maut ke naach kā niklā thā julūs

chauñk kar jaag uThe sehn-e-chaman meñ taa.ir

āshiyānoñ se judā.ī unheñ manzūr na thī

sahm kar uThe uḌe uḌ ke vahīñ aañ gire

un kī is āḳhirī fariyād kī ġhamnāk sadā mere ḳhudā

ik ghaTā-Top añdhere meñ jhukā.e hue sar

haath āñkhoñ pe rakhe

baiThī hai ġhamgīñ udaas majbūr

pahlū meñ afsurda ḳhushī ko le

saañs rukne lagā

ḳhuuñ jamne lagā

be-kalī DhūñDhtī phirtī hai panāh

reñgtā reñgtā ḳhauf aayā sisaktā huā saañp

be-kalī kaañp uThī

ḳhauf jhapaT kar uThā be-kalī naza.a meñ thī

mujh ko bachā mere ḳhudā

tīrgī kāñpī

fazā larzī

khulī kirnoñ kī raah

rūheñ jo vus.at-e-āfāq meñ āvāra sī thiiñ

DhūñDhtī phirtī thiiñ manzil apnī

phaḌphaḌā.e hue par apne uThīñ

aur havāoñ meñ baḌhīñ

sāmne jannat-e-gum-gashta nazar aatī thī

maut ka rag nafiri pe bajati aauThi

lo jhulasti hui lau

aauThi

baDhi

ret pe jaise dhuan uThta ho

sarsarahaT si daraKHton mein hui

patte murjha gae

girne lage

wo un ke khaDakne ki sada mere KHuda

lu ke hamrah baDhe

maut ke nach ka nikla tha julus

chaunk kar jag uThe sehn-e-chaman mein tair

aashiyanon se judai unhen manzur na thi

sahm kar uThe uDe uD ke wahin aan gire

un ki is aaKHiri fariyaad ki ghamnak sada mere KHuda

ek ghaTa-Top andhere mein jhukae hue sar

hath aankhon pe rakhe

baiThi hai ghamgin udas majbur

pahlu mein afsurda KHushi ko le

sans rukne laga

KHun jamne laga

be-kali DhunDhti phirti hai panah

rengta rengta KHauf aaya sisakta hua sanp

be-kali kanp uThi

KHauf jhapaT kar uTha be-kali naza mein thi

mujh ko bacha mere KHuda

tirgi kanpi

faza larzi

khuli kirnon ki rah

ruhen jo wusat-e-afaq mein aawara si thin

DhunDhti phirti thin manzil apni

phaDphaDae hue par apne uThin

aur hawaon mein baDhin

samne jannat-e-gum-gashta nazar aati thi