Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gladiator

Zeeshan Haider

gladiator

Zeeshan Haider

ajiib manzar thā

shor aisā

ki

kaan andhe hue paḌe the

maiñ ḳhvāb meñ ik tamāsh-bīñ thā

maiñ dekhtā thā

vo laḌ rahe the vo ek-dūje se laḌ rahe the

ġhubār uḌtā thā un rathoñ se

jo un ke jismoñ ko rauñdne ke liye ravāñ thiiñ

maiñ dekhtā thā

vo saañs andar ko khīñchte the to khaḌkhaḌāte the

aur havāoñ ke ḳhālī dāman meñ dhoka zyāda thā saañs kam the

phir un ke zaḳhmoñ se ḳhuun ristā thā

jo tapaktī zamīñ pe girtā thā

aur chamaktā thā

sirf maiñ thā vahāñ pe maujūd lākhoñ logoñ meñ sirf maiñ thā jo

un ke zaḳhmoñ pe ro rahā thā

maiñ apne kamre meñ so rahā thā

ajiib manzar thā

ḳhvāb ke ghar se lauT aayā huuñ

ek jhaTke se aañkh kholī hai

jism ābād ho gayā hai

ab apne bistar silvaToñ par badan ko mahsūs karte sochā hai

maiñ bhī duniyā ke us īrīnā meñ laḌ rahā huuñ

mire badan se bhī ḳhuun hotā huā pasīna zamīn pe girtā hai

aur chamaktā hai

aaj mire liye bhī zālim havā ke dāman meñ sāñseñ kam haiñ

gladiator huuñ

aur hāthoñ meñ ye qalam hai

mire liye koī aañkh nam hai

ajib manzar tha

shor aisa

ki

kan andhe hue paDe the

main KHwab mein ek tamash-bin tha

main dekhta tha

wo laD rahe the wo ek-duje se laD rahe the

ghubar uDta tha un rathon se

jo un ke jismon ko raundne ke liye rawan thin

main dekhta tha

wo sans andar ko khinchte the to khaDkhaDate the

aur hawaon ke KHali daman mein dhoka zyaada tha sans kam the

phir un ke zaKHmon se KHun rista tha

jo tapakti zamin pe girta tha

aur chamakta tha

sirf main tha wahan pe maujud lakhon logon mein sirf main tha jo

un ke zaKHmon pe ro raha tha

main apne kamre mein so raha tha

ajib manzar tha

KHwab ke ghar se lauT aaya hun

ek jhaTke se aankh kholi hai

jism aabaad ho gaya hai

ab apne bistar ki silwaTon par badan ko mahsus karte socha hai

main bhi duniya ke us irina mein laD raha hun

mere badan se bhi KHun hota hua pasina zamin pe girta hai

aur chamakta hai

aaj mere liye bhi zalim hawa ke daman mein sansen kam hain

gladiator hun

aur hathon mein ye qalam hai

mere liye koi aankh nam hai

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now