aa gai sawan ki rut

aa ga.ī sāvan kī rut kaalī ghaTā chhāne lagī

phir kisī kī yaad mere dil ko taḌpāne lagī

aa ga.ī sāvan kī rut kaalī ghaTā chhāne lagī

chheḌtī hai phir ḳhushī ke raag sāvan kī bahār

muskurātī haiñ fazā.eñ har kalī par hai nikhār

phir ghane bāġhoñ meñ koyal giit bikhrāne lagī

aa ga.ī sāvan kī rut kaalī ghaTā chhāne lagī

boltā hai aah jangal meñ papīhā kyā karūñ

phir rulātī hai mujhe terī tamanna kyā karūñ

phir mohabbat dil meñ ġham kī aag bhaḌkāne lagī

aa ga.ī sāvan kī rut kaalī ghaTā chhāne lagī

tū nahīñ to ye suhānī rut mujhe bhātī nahīñ

dil dhaḌaktā hai mirā rātoñ ko niiñd aatī nahīñ

har ḳhushī ab zindagī se ruuTh kar jaane lagī

aa ga.ī sāvan kī rut kaalī ghaTā chhāne lagī

aa gai sawan ki rut kali ghaTa chhane lagi

phir kisi ki yaad mere dil ko taDpane lagi

aa gai sawan ki rut kali ghaTa chhane lagi

chheDti hai phir KHushi ke rag sawan ki bahaar

muskuraati hain fazaen har kali par hai nikhaar

phir ghane baghon mein koyal git bikhrane lagi

aa gai sawan ki rut kali ghaTa chhane lagi

bolta hai aah jangal mein papiha kya karun

phir rulati hai mujhe teri tamanna kya karun

phir mohabbat dil mein gham ki aag bhaDkane lagi

aa gai sawan ki rut kali ghaTa chhane lagi

tu nahin to ye suhani rut mujhe bhati nahin

dil dhaDakta hai mera raaton ko nind aati nahin

har KHushi ab zindagi se ruTh kar jaane lagi

aa gai sawan ki rut kali ghaTa chhane lagi