aadmi kahta hai wo ji sakta hai

aadmī kahtā hai vo jī saktā hai

lekin aisī duniyā meñ

aadmī jiite jī kaise jī saktā hai

jiine kī ḳhātir aadmī lohā ban jaatā hai

aadmī aarā ban jaatā hai

aadmī kāTne lagtā hai

dhartī kaT jaatī hai

siine phaT jaate haiñ

aur ḳhushiyoñ ke ḳhusiye kuchle jaate haiñ

aadmī kahtā hai vo jī saktā hai

hañsī kā hathiyār liye

aadmī dukh kī jhāḌī kāTtā rahtā hai

kāTte kāTte aadmī kaT jaatā hai

kaTe hue jismoñ meñ lāsheñ zinda rahtī haiñ

lāshoñ ke mulk meñ chalte chalte

Dare hue aadmī Dare hue aadmī se Dar jaate haiñ

mare hue aadmī mare hue aadmī ko maar dete haiñ

aadmi kahta hai wo ji sakta hai

lekin aisi duniya mein

aadmi jite ji kaise ji sakta hai

jine ki KHatir aadmi loha ban jata hai

aadmi aara ban jata hai

aadmi kaTne lagta hai

dharti kaT jati hai

sine phaT jate hain

aur KHushiyon ke KHusiye kuchle jate hain

aadmi kahta hai wo ji sakta hai

hansi ka hathiyar liye

aadmi dukh ki jhaDi kaTta rahta hai

kaTte kaTte aadmi kaT jata hai

kaTe hue jismon mein lashen zinda rahti hain

lashon ke mulk mein chalte chalte

Dare hue aadmi Dare hue aadmi se Dar jate hain

mare hue aadmi mare hue aadmi ko mar dete hain