aaj TuTa hai bharosa mera

dard jis se mirā ik rishta-e-derīna hai

vaqt kī raah kā

pur-pech safar tai kar ke

mujh se tajdīd-e-rifāqat ke liye

baa'd muddat ke mire paas chalā aayā hai

aaj phir kaifiyat-e-jāñ hai vahī

aaj phir siine meñ sūraj koī gahnāyā hai

din Dhale kitne hī auhām ke kaale bādal

phir mire zehn ke ākāsh par mañDlā.e haiñ

dard kī phir na.ī sauġhāt koī laa.e haiñ

yuuñ to pahle bhī mire vāste kab

kaun sī raat thī jab dard kī sauġhāt na thī

yaad

taḳh.īl kī pechīda surangoñ se guzar kar har shab

yūñhī haule se

dabe paañv chalī aatī thī

aur so.e hue zaḳhmoñ ko jagā kar mere

merī hastī ke dar-o-bām hilā jaatī thī

aaj phir dard kā tūfān hai shab hai maiñ huuñ

aur maiñ ḳhud ko añdheroñ meñ ghirā paatā huuñ

maiñ ki apne ko sameTūñ jitnā

aaj kī shab hai ki bikhrā hī chalā jaatā huuñ

ek muddat huī TuuTā thā mirā dil so koī baat na thī

aaj TuuTā hai bharosa merā

dard jis se mera ek rishta-e-derina hai

waqt ki rah ka

pur-pech safar tai kar ke

mujh se tajdid-e-rifaqat ke liye

ba'd muddat ke mere pas chala aaya hai

aaj phir kaifiyat-e-jaan hai wahi

aaj phir sine mein suraj koi gahnaya hai

din Dhale kitne hi auham ke kale baadal

phir mere zehn ke aakash par manDlae hain

dard ki phir nai saughat koi lae hain

yun to pahle bhi mere waste kab

kaun si raat thi jab dard ki saughat na thi

yaad

taKHil ki pechida surangon se guzar kar har shab

yunhi haule se

dabe panw chali aati thi

aur soe hue zaKHmon ko jaga kar mere

meri hasti ke dar-o-baam hila jati thi

aaj phir dard ka tufan hai shab hai main hun

aur main KHud ko andheron mein ghira pata hun

main ki apne ko sameTun jitna

aaj ki shab hai ki bikhra hi chala jata hun

ek muddat hui TuTa tha mera dil so koi baat na thi

aaj TuTa hai bharosa mera