aankhon ke shahr mein

phūloñ se ladī shāḳhoñ ke tale

mahtāb kī shītal kirnoñ meñ

jhīloñ ke kināre jharnoñ ke nazdīk suhānī vaadī meñ

raste pe kabhī colony meñ

gulshan gulshan sahrā sahrā

sāhil sāhil dariyā dariyā

tere mere qadmoñ ke nishāñ ab kahāñ kahāñ tak phail ga.e

milte haiñ magar aise bhī nahīñ jaisā hameñ log samajhte haiñ

har aañkh ta.āqub meñ hai ab

har saaya pīchhā kartā hai

har chehre se jī Dartā hai

mashkūk nigāhoñ ke kitne sailāb hamāre pīchhe haiñ

dushman ke ruup meñ ab kitne ahbāb hamāre pīchhe haiñ

āñkhoñ ke shahr meñ rah kar ham

apne chehroñ kī tahrīreñ logoñ se chhupāte bhī kaise

patthar kī bastī meñ dil ke shīshe ko bachāte bhī kaise

phulon se ladi shaKHon ke tale

mahtab ki shital kirnon mein

jhilon ke kinare jharnon ke nazdik suhani wadi mein

raste pe kabhi colony mein

gulshan gulshan sahra sahra

sahil sahil dariya dariya

tere mere qadmon ke nishan ab kahan kahan tak phail gae

milte hain magar aise bhi nahin jaisa hamein log samajhte hain

har aankh taaqub mein hai ab

har saya pichha karta hai

har chehre se ji Darta hai

mashkuk nigahon ke kitne sailab hamare pichhe hain

dushman ke rup mein ab kitne ahbab hamare pichhe hain

aankhon ke shahr mein rah kar hum

apne chehron ki tahriren logon se chhupate bhi kaise

patthar ki basti mein dil ke shishe ko bachate bhi kaise