aansuon se bane hue hum log

Thes lag jaa.e to nadī kī tarah

Thes lag jaa.e to nadī kī tarah

pahroñ bahte haiñ apnī āñkhoñ meñ

koī chheḌe to kuchh nahīñ kahte

sūrat-e-gul havā se kyā shikva

shaam kī aañch se ulajhnā kyā

haañ magar saañs meñ koī larzish

muddatoñ saath saath rahtī hai

kis ko batlā.eñ kis qadar nauhe

rañj meñ kis qadar base naġhme

giit milne ke aur bichhaḌne ke

kitne kirdār ik kahānī ke

apne ehsās meñ sisakte haiñ

jin ko ye log sochte bhī nahīñ

aise rishtoñ ko ham pirote haiñ

abr kī tarah saa.e kī chādar

sab kī rūhoñ pe Daal dete haiñ

aur saarī thakan azāboñ kī

ek bārish meñ Dhaal lete haiñ

ḳhud sulagte haiñ kuchh nahīñ kahte

ḳhud sisakte haiñ kuchh nahīñ kahte

sūrat-e-gul havā se kyā shikva

shaam kī aañch se ulajhnā kyā

āñsuoñ se bane hue ham log

Thes lag jae to nadi ki tarah

Thes lag jae to nadi ki tarah

pahron bahte hain apni aankhon mein

koi chheDe to kuchh nahin kahte

surat-e-gul hawa se kya shikwa

sham ki aanch se ulajhna kya

han magar sans mein koi larzish

muddaton sath sath rahti hai

kis ko batlaen kis qadar nauhe

ranj mein kis qadar base naghme

git milne ke aur bichhaDne ke

kitne kirdar ek kahani ke

apne ehsas mein sisakte hain

jin ko ye log sochte bhi nahin

aise rishton ko hum pirote hain

abr ki tarah sae ki chadar

sab ki ruhon pe Dal dete hain

aur sari thakan azabon ki

ek barish mein Dhaal lete hain

KHud sulagte hain kuchh nahin kahte

KHud sisakte hain kuchh nahin kahte

surat-e-gul hawa se kya shikwa

sham ki aanch se ulajhna kya

aansuon se bane hue hum log