aarzu ki thakan

dard chaukhaT pe hañstā huā muskurātā huā jab milā

to ḳhushī duur jangal meñ shashdar rahī

darmiyānī ḳhalā kā ta'ayyun

kahīñ par bhī mumkin nahīñ

phir bhī ham jaane kyoñ

terī āvāz kī ik lahar ko taraste rahe

ham kahīñ duur maidān meñ

apnī uñglī pakaḌ kar tumhāre taraf jab chale

to sarāboñ kī vahshat-zada chīḳh āñkhoñ meñ chubhtī rahī

ham ulajhtī huī ārzūoñ kā vo rog haiñ

jin ko puure na hone kā ġham khā gayā

dard chaukhaT pe hansta hua muskuraata hua jab mila

to KHushi dur jangal mein shashdar rahi

darmiyani KHala ka ta'ayyun

kahin par bhi mumkin nahin

phir bhi hum jaane kyon

teri aawaz ki ek lahar ko taraste rahe

hum kahin dur maidan mein

apni ungli pakaD kar tumhaare taraf jab chale

to sarabon ki wahshat-zada chiKH aankhon mein chubhti rahi

hum ulajhti hui aarzuon ka wo rog hain

jin ko pure na hone ka gham kha gaya