aaseb aur main

ba-vaqt-e-sub.h mujh ko raushnī ne ye hidāyat dī

ki tum ko vaqt kā baazū pakaḌ ke saath chalnā hai

maiñ kuchh kahtā ki is se pahle merī maañ

mujhe schōl le aa.ī

maiñ jab lauTā mujhe phir se kisī aaseb ne gherā

jo lālach de ke kahtā thā

suno pyāre tumheñ paise kamāne haiñ

tumheñ bandūq lā kar duuñ

tumheñ naanī ke ghar jaanā

tumhārā qad kaho to paapā ke jaisā banā duuñ maiñ

maiñ sab kar saktā huuñ lekin tumheñ bhī vaqt kā baazū

pakaḌ ke saath chalnā hai

tumheñ itnī sī merī baat sunñī hai

maiñ us kī baat sun kar duur tak aage nikal aaya

mirī ḳhvāhish to vo aaseb vaise puurī kartā thā

magar us ke badal meñ

sab se pyārī chiiz mujh se chhīn letā thā

maiñ kuchh bhī sochne se aaj Dartā huuñ

magar phir bhī maiñ aksar soch letā huuñ

mire māñ-bāp par aaseb kī nazreñ na paḌ jaa.eñ

agar maiñ aaj mar jā.ūñ to behtar hai

ba-waqt-e-subh mujh ko raushni ne ye hidayat di

ki tum ko waqt ka bazu pakaD ke sath chalna hai

main kuchh kahta ki is se pahle meri man

mujhe school le aai

main jab lauTa mujhe phir se kisi aaseb ne ghera

jo lalach de ke kahta tha

suno pyare tumhein paise kamane hain

tumhein banduq la kar dun

tumhein nani ke ghar jaana

tumhaara qad kaho to papa ke jaisa bana dun main

main sab kar sakta hun lekin tumhein bhi waqt ka bazu

pakaD ke sath chalna hai

tumhein itni si meri baat sunni hai

main us ki baat sun kar dur tak aage nikal aaya

meri KHwahish to wo aaseb waise puri karta tha

magar us ke badal mein

sab se pyari chiz mujh se chhin leta tha

main kuchh bhi sochne se aaj Darta hun

magar phir bhi main aksar soch leta hun

mere man-bap par aaseb ki nazren na paD jaen

agar main aaj mar jaun to behtar hai