aashna wirson ke nam KHat

ga.e zamāne ke rāste par

pahāḌ sūraj zamīn dariyā

nuqūsh-e-pā nām-e-zāt

chehra

maiñ apne chehre se munharif huuñ

ga.e zamāne ke rāste par

sazā kī rut ke tavīl din kā ḳhatīr virsa mirā badan hai mirā lahū hai

maiñ apne virse se dast-kash huuñ

ye āshnā sub.h kā sitārā ki jis kī āgāhiyoñ kā nāsūr mere siine meñ jal rahā hai

maiñ us sitāre kī samt rū-dar-qazā khaḌā huuñ

maiñ apne bātin kī oT meñ huuñ

ye ḳhisht saa.at ki jis kī bālīñ se jism aadhā nikal ke mujh ko bulā rahā hai

use ye kahnā lahū kā hathiyār kund niklā murāja.at kī duā na māñge

use ye kahnā ki terā beTā najāt kī aarzū meñ us manzil-e-duā se guzar gayā hai

jahāñ tire ashk be-jazā the

jahāñ tirī qabr be-nishāñ hai

use ye kahnā sazā kī rut ke tavīl din meñ murāja.at kī duā na māñge

gae zamane ke raste par

pahaD suraj zamin dariya

nuqush-e-pa nam-e-zat

chehra

main apne chehre se munharif hun

gae zamane ke raste par

saza ki rut ke tawil din ka KHatir wirsa mera badan hai mera lahu hai

main apne wirse se dast-kash hun

ye aashna subh ka sitara ki jis ki aagahiyon ka nasur mere sine mein jal raha hai

main us sitare ki samt ru-dar-qaza khaDa hun

main apne baatin ki oT mein hun

ye KHisht saat ki jis ki baalin se jism aadha nikal ke mujh ko bula raha hai

use ye kahna lahu ka hathiyar kund nikla murajat ki dua na mange

use ye kahna ki tera beTa najat ki aarzu mein us manzil-e-dua se guzar gaya hai

jahan tere ashk be-jaza the

jahan teri qabr be-nishan hai

use ye kahna saza ki rut ke tawil din mein murajat ki dua na mange