aawaz dene ka mujrim
lahū ko vo āvāz dene kā mujrim
ki
shabdoñ ke hamrāh chaltā rahā thā
ki
asrār se āshnā.ī kī koshish ko
vo zindagī jāntā thā
use kyā huā hai
kahīñ farsh par TuuTe shīshoñ kī rūheñ
taḌap kar
kisī aur ko bhī na bedār kar deñ
ka.ī aur haiñ
jo abhī gahre ḳhvāboñ meñ kho.e hue haiñ
sukūñ-zār jaise
kisī goshe meñ kab se so.e hue haiñ
rageñ us kī
kaT kaT chukī haiñ
lahū ke jo favāre phūTe haiñ
saḌkoñ pe chāroñ taraf dauḌte haiñ
vo shabdoñ ke hamrāh chalne kā mujrim
lahū ko vo āvāz dene kā mujrim
ḳhud
apne kiye kī sazā pā rahā hai
ise kyā huā hai
lahu ko wo aawaz dene ka mujrim
ki
shabdon ke hamrah chalta raha tha
ki
asrar se aashnai ki koshish ko
wo zindagi jaanta tha
use kya hua hai
kahin farsh par TuTe shishon ki ruhen
taDap kar
kisi aur ko bhi na bedar kar den
kai aur hain
jo abhi gahre KHwabon mein khoe hue hain
sukun-zar jaise
kisi goshe mein kab se soe hue hain
ragen us ki
kaT kaT chuki hain
lahu ke jo faware phuTe hain
saDkon pe chaaron taraf dauDte hain
wo shabdon ke hamrah chalne ka mujrim
lahu ko wo aawaz dene ka mujrim
KHud
apne kiye ki saza pa raha hai
ise kya hua hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.