aawaz dil ki

ham uḳhuvvat ke pujārī ham mohabbat ke ġhulām

dostī kā kuchh hamīñ se hai jahāñ-bhar meñ bharam

maz.har-e-haq haiñ hamāre vāste dair-o-haram

ham ahinsā ke haiñ rasiyā āshtī ke ham imaam

inkisārī apnā maslak 'ājizī apnā shi'ār

dostoñ se dostī kar ke dikhā dete haiñ ham

dostī ke naam par ḳhud ko miTā dete haiñ ham

har takalluf aur tasanno' se hameñ hotā hai 'aar

nā-tavānoñ ke haiñ rakshak haq-parastoñ ke haiñ daas

zulm-o-istibdād ko jaḌ se miTā dete haiñ ham

dushmanoñ ko din hī meñ taare dikhā dete haiñ ham

hai nahīfoñ aur za’īfoñ ko hamāre dam se aas

kibr-o-naḳhvat kī kalā.ī moḌte aa.e haiñ ham

buġhz-o-nafrat kā nikaltā hai hamāre dam se dam

hum uKHuwwat ke pujari hum mohabbat ke ghulam

dosti ka kuchh hamin se hai jahan-bhar mein bharam

mazhar-e-haq hain hamare waste dair-o-haram

hum ahinsa ke hain rasiya aashti ke hum imam

inkisari apna maslak 'ajizi apna shi'ar

doston se dosti kar ke dikha dete hain hum

dosti ke nam par KHud ko miTa dete hain hum

har takalluf aur tasanno' se hamein hota hai 'ar

na-tawanon ke hain rakshak haq-paraston ke hain das

zulm-o-istibdad ko jaD se miTa dete hain hum

dushmanon ko din hi mein tare dikha dete hain hum

hai nahifon aur za’ifon ko hamare dam se aas

kibr-o-naKHwat ki kalai moDte aae hain hum

bughz-o-nafrat ka nikalta hai hamare dam se dam