abhi main ye soch hi raha tha

niyāz-mandoñ kī bhiiḌ hai ik

qatār-andar-qatār saare khaḌe hue haiñ

maiñ fāsle par huuñ sochtā huuñ

ki dast-e-ḳhālī ke is safar meñ

kamānā kyā aur gañvānā kyā hai

maiñ is maqām-e-ajīb ya.anī

'kamānā kyā aur gañvānā kyā hai'

pa jab pahuñchtā huuñ dekhtā kyā huuñ

maiñ usī dā.ere ke uupar khaḌā huā huuñ

jahāñ maiñ kal thā

jo farq aayā to sirf itnā

tab us taraf thā

ab is taraf huuñ

abhī maiñ ye soch hī rahā thā

'to zindagī kyā safar hai bas ik taraf taraf kaa'

ki aa gayā moḌ

ishāra thā mere bartaraf kā

niyaz-mandon ki bhiD hai ek

qatar-andar-qatar sare khaDe hue hain

main fasle par hun sochta hun

ki dast-e-KHali ke is safar mein

kamana kya aur ganwana kya hai

main is maqam-e-ajib yani

'kamana kya aur ganwana kya hai'

pa jab pahunchta hun dekhta kya hun

main usi daere ke upar khaDa hua hun

jahan main kal tha

jo farq aaya to sirf itna

tab us taraf tha

ab is taraf hun

abhi main ye soch hi raha tha

'to zindagi kya safar hai bas ek taraf taraf ka'

ki aa gaya moD

ishaara tha mere bartaraf ka