adhuri dastan

nazhād-e-barg-o-gul

sahar kī samt jā rahī hai

ḳhvāb-kār zulmatoñ ke dasht se

hurūf

zā.iche

purāne adh-jale

khañDar imārateñ makān

un ke bhuut bhī haiñ un ke ham-safar

hujūm-e-kārvāñ sehr-zada hai

zard dā.eroñ meñ aks-rez putliyāñ

fazā ko nochtī haiñ

māñgtī haiñ ḳhūn-e-dil kā

ek ek rāhgīr se ḳhirāj

maiñ un ke saath huuñ

yā apnā rāhzan

duā kī ḳhaak bāl-o-par se

maiñ jhaTak chukā huuñ

merī raat

merī tīrgī

mujhe utārnā hai tujh ko ḳhūn-e-dil kī

mauj-e-be-karāñ ke sail-e-garm meñ

mujhe pukārnā hai us fasurda-dil

udaas ajnabī ko

mujh se jaane kab jo daf.atan bichhaḌ gayā

ye log mere ham-safar

sahar ke qurb se

hayāt-e-jāvidāñ kī mahfileñ sajā.eñge

mirī adhūrī dāstāñ sunā.eñge

nazhad-e-barg-o-gul

sahar ki samt ja rahi hai

KHwab-kar zulmaton ke dasht se

huruf

zaiche

purane adh-jale

khanDar imaraten makan

un ke bhut bhi hain un ke ham-safar

hujum-e-karwan sehr-zada hai

zard daeron mein aks-rez putliyan

faza ko nochti hain

mangti hain KHun-e-dil ka

ek ek rahgir se KHiraj

main un ke sath hun

ya apna rahzan

dua ki KHak baal-o-par se

main jhaTak chuka hun

meri raat

meri tirgi

mujhe utarna hai tujh ko KHun-e-dil ki

mauj-e-be-karan ke sail-e-garm mein

mujhe pukarna hai us fasurda-dil

udas ajnabi ko

mujh se jaane kab jo dafatan bichhaD gaya

ye log mere ham-safar

sahar ke qurb se

hayat-e-jawidan ki mahfilen sajaenge

meri adhuri dastan sunaenge