agar kahin par likha hua hai

likhā huā hai

''kisī kā likkhā nahīñ rahegā''

jo harf dīmak se bach raheñge

unheñ havāoñ ne chāTnā hai

koī zabāñ ko qalam bhī kar le to kyā karegā

abhī to ham ne qalam ke hoñToñ kā kāTnā hai

na koī nuqta na harf koī

na lafz hogā na satr hogī

sutūr kyā haiñ?

is intishār-e-suḳhan meñ bainassutūr kuchh bhī nahīñ rahegā

tumhārā ijz-e-bayāñ, bayāñ kā ġhurūr kuchh bhī nahīñ rahegā

tum is ghaḌī jo sunā rahe ho

ye nazm baaqī nahīñ rahegī

ye nazm kyā hai koī takallum kī bazm baaqī nahīñ rahegī

ye lafz kāñToñ kī fasl haiñ aur

kisī ko kāñTe kashīd karne se kyā milegā

tumheñ aziyyat rah-e-suḳhan meñ mazīd karne se kyā milegā

agar kahīñ par likhā huā hai

to likh rahā huuñ

ki be-sabātī kī ḳhū baqā kī sarisht meñ hai

''kisī kā likkhā nahīñ rahegā'' to aap hadd-e-navisht meñ hai

likha hua hai

kisi ka likkha nahin rahega

jo harf dimak se bach rahenge

unhen hawaon ne chaTna hai

koi zaban ko qalam bhi kar le to kya karega

abhi to hum ne qalam ke honTon ka kaTna hai

na koi nuqta na harf koi

na lafz hoga na satr hogi

sutur kya hain?

is intishaar-e-suKHan mein bainassutur kuchh bhi nahin rahega

tumhaara ijz-e-bayan, bayan ka ghurur kuchh bhi nahin rahega

tum is ghaDi jo suna rahe ho

ye nazm baqi nahin rahegi

ye nazm kya hai koi takallum ki bazm baqi nahin rahegi

ye lafz kanTon ki fasl hain aur

kisi ko kanTe kashid karne se kya milega

tumhein aziyyat rah-e-suKHan mein mazid karne se kya milega

agar kahin par likha hua hai

to likh raha hun

ki be-sabaati ki KHu baqa ki sarisht mein hai

kisi ka likkha nahin rahega to aap hadd-e-nawisht mein hai