agni pariksha

aur har shab usī aag se

ab guzartā huuñ maiñ

an-kiye paap kī

yuuñ sazā kāTtā huuñ

ki shāyad kisī sub.h

shīshe ko dekhūñ

to māthe pe mere ye kālak na ho

raam kī nīchī nazreñ uTheñ

aur chhamā ke hasīñ phuul

mujh par nichhāvar kareñ

qahr-e-ātish

bane bhaag bahrūpiye kā

magar kaash dil maan le

maiñ vo siitā nahīñ huuñ

jise sirf ik baar

is imtihāñ se guzarnā paḌā thā

ki merā haran to

isī tarah har roz hogā

ki har sub.h rāvan hai

har raat agnī parikshā muqaddar mirā

aur har shab usi aag se

ab guzarta hun main

an-kiye pap ki

yun saza kaTta hun

ki shayad kisi subh

shishe ko dekhun

to mathe pe mere ye kalak na ho

ram ki nichi nazren uThen

aur chhama ke hasin phul

mujh par nichhawar karen

qahr-e-atish

bane bhag bahrupiye ka

magar kash dil man le

main wo sita nahin hun

jise sirf ek bar

is imtihan se guzarna paDa tha

ki mera haran to

isi tarah har roz hoga

ki har subh rawan hai

har raat agni pariksha muqaddar mera