ai dost

tirī sarisht meñ muzmar hai garmī-e-parvāz

falak ke chāñd sitāroñ ko chuum le uTh kar

adā-e-fitrat-e-mā'sūm kī na kar tauhīn

ziyā-faroz nazāroñ ko chuum le uTh kar

tire shu'ūr pe haavī hai kyoñ ġham-e-fardā

nazar-navāz bahāroñ ko chuum le uTh kar

nigāh-e-‘ishq meñ ye imtiyāz kaisā hai

guloñ kī bazm meñ ḳhāroñ ko chuum le uTh kar

kahāñ kahāñ se vo ho kar ga.e haiñ kyā mā'lūm

tamām rāh-guzāroñ ko chuum le uTh kar

teri sarisht mein muzmar hai garmi-e-parwaz

falak ke chand sitaron ko chum le uTh kar

ada-e-fitrat-e-ma'sum ki na kar tauhin

ziya-faroz nazaron ko chum le uTh kar

tere shu'ur pe hawi hai kyon gham-e-farda

nazar-nawaz bahaaron ko chum le uTh kar

nigah-e-‘ishq mein ye imtiyaz kaisa hai

gulon ki bazm mein KHaron ko chum le uTh kar

kahan kahan se wo ho kar gae hain kya ma'lum

tamam rah-guzaron ko chum le uTh kar