اے وطن اے وطن
اے وطن اے وطن اے ہمارے وطن
پھول ہم ہیں ترے تو ہمارا چمن
تیری عظمت پہ ہیں جان و دل سے خدا
آسماں جھک کے پرچم ترا چومتا
اے وطن اپنی جنت ہے کوچہ ترا
خوشبو ہم اور تو نرگس و نسترن
اے وطن اے وطن اے ہمارے وطن
پھول ہم ہیں ترے تو ہمارا چمن
ہم ہیں فصل بہار اور تو گلستاں
تو اگر آسماں ہے تو ہم کہکشاں
شاخ گل تو اگر ہے تو ہم آشیاں
تو گل انداز و گل فام اور گل بدن
اے وطن اے وطن اے ہمارے وطن
پھول ہم ہیں ترے تو ہمارا چمن
اے وطن خاک تیری ہے خاک شفا
چاند سورج سا ہے ذرہ ذرہ ترا
گیت گاتی ہے تیرا ہی موج صبا
پاؤں دھوتے ہیں دریائے گنگ و جمن
اے وطن اے وطن اے ہمارے وطن
پھول ہم ہیں ترے تو ہمارا چمن
سر پہ دستار تیرے ہمالہ بنا
چوٹی کیلاش کی مانگ ٹیکہ ترا
اے وطن حسن کشمیر چہرہ ترا
صبح کاشی و شام اودھ پیرہن
اے وطن اے وطن اے ہمارے وطن
پھول ہم ہیں ترے تو ہمارا چمن
اے وطن ہے دعا تو سلامت رہے
اپنی آنکھوں میں تو مثل جنت رہے
ہم کو تجھ سے ہمیشہ محبت رہے
تو ہے نسرین و لالہ و سرو و سمن
اے وطن اے وطن اے ہمارے وطن
پھول ہم ہیں ترے تو ہمارا چمن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
