ajab pani hai

ajab paanī hai

ajab mallāh hai

sūrāḳh se be-fikr

aasan maar ke

kashtī ke ik kone meñ baiThā hai

ajab paanī hai

jo sūrāḳh se dāḳhil nahīñ hotā

koī mauj-e-nahufta hai

jo peñde se

kisī lakḌī ke taḳhte kī tarah chipkī hai

kashtī chal rahī hai

sar-phirī lahroñ ke jhūle meñ

abhī ojhal hai

jaise Dūbtī ab Dūbtī hai

jaise batn-e-āb se

jaise talātum kī siyāhī se

abhī niklī hai

jaise rāt-din

bas ek hī aalam meñ

kashtī chal rahī hai

kyā ajab kashtī hai

jis ke dam se ye paanī ravāñ hai

aur us mallāh kā dil naġhma-ḳhvāñ hai

kitne Taapu raah meñ aa.e

magar mallāh

ḳhushkī kī taraf khiñchtā nahīñ

nazāra-e-raqsandagī ḳhvāb meñ

shāmil nahīñ hotā

ajab paanī hai

jo sūrāḳh se dāḳhil nahīñ hotā

ajab pani hai

ajab mallah hai

suraKH se be-fikr

aasan mar ke

kashti ke ek kone mein baiTha hai

ajab pani hai

jo suraKH se daKHil nahin hota

koi mauj-e-nahufta hai

jo pende se

kisi lakDi ke taKHte ki tarah chipki hai

kashti chal rahi hai

sar-phiri lahron ke jhule mein

abhi ojhal hai

jaise Dubti ab Dubti hai

jaise batn-e-ab se

jaise talatum ki siyahi se

abhi nikli hai

jaise raat-din

bas ek hi aalam mein

kashti chal rahi hai

kya ajab kashti hai

jis ke dam se ye pani rawan hai

aur us mallah ka dil naghma-KHwan hai

kitne Tapu rah mein aae

magar mallah

KHushki ki taraf khinchta nahin

nazara-e-raqsandagi KHwab mein

shamil nahin hota

ajab pani hai

jo suraKH se daKHil nahin hota