ajab sapna dikhai de

jo aksar sochtī huuñ maiñ

batā kyā tū bhī vo soche

mirī āñkhoñ kī tahrīreñ

agar ai kaash tū paḌh le

to phir ye jaan legā tū

ki jab se tujh ko dekhā hai

dhanak rangoñ kī ik titlī

mire man meñ samā.ī hai

mahak sandesa laa.ī hai

ye sab maiñ ne sunā to phir

mujhe mahsūs hotā hai

ki maiñ bhī ek titlī huuñ

ye dil merā gulistāñ hai

tū hī to merā armāñ hai

basūñ tere ḳhayāloñ meñ

rahūñ terī nigāhoñ meñ

liye bāñhoñ meñ ham bāñheñ

vafā ke giit bhī gaa.eñ

tirā dil ho mirā ghar ho

tirā shāna mirā sar ho

magar maiñ dekhtī huuñ ki

hai sochoñ kā bhañvar aage

ka.ī andeshe phir jaage

achānak phir huā ye ki

'ajab sapnā dikhā.ī de

na tū apnā dikhā.ī de

jo aksar sochti hun main

bata kya tu bhi wo soche

meri aankhon ki tahriren

agar ai kash tu paDh le

to phir ye jaan lega tu

ki jab se tujh ko dekha hai

dhanak rangon ki ek titli

mere man mein samai hai

mahak sandesa lai hai

ye sab main ne suna to phir

mujhe mahsus hota hai

ki main bhi ek titli hun

ye dil mera gulistan hai

tu hi to mera arman hai

basun tere KHayalon mein

rahun teri nigahon mein

liye banhon mein hum banhen

wafa ke git bhi gaen

tera dil ho mera ghar ho

tera shana mera sar ho

magar main dekhti hun ki

hai sochon ka bhanwar aage

kai andeshe phir jage

achanak phir hua ye ki

'ajab sapna dikhai de

na tu apna dikhai de