ajanta

chaTāneñ bol saktī haiñ

chaTāneñ raaz apne khol saktī haiñ

dikhā saktī haiñ ye taqdīs kī duniya-e-nā-paidā

jahāñ par fikr-o-fan uzlat-nashīñ kī ḳhān-qāheñ haiñ

jahāñ ehsās kī andhī guphā.eñ haiñ

vo kis kī uñgliyāñ thiiñ jin ke lams-e-sehr-āgīñ ne

unheñ izn-e-suḳhan baḳhshā

vo kis kī garmi-e-dil thī ki jis ne un ko tan baḳhshā

yahāñ har shaḳhs aa.egā

magar us ko na pā.egā

use DhūñDo vo shāyad un chaTānoñ meñ chhupā hogā

ye pahlī shart thī un ke takallum kī

ki jo bhī un ke asrār-e-muqaffal DhūñDne aa.e

vo ḳhud un meñ samā jaa.e

chaTanen bol sakti hain

chaTanen raaz apne khol sakti hain

dikha sakti hain ye taqdis ki duniya-e-na-paida

jahan par fikr-o-fan uzlat-nashin ki KHan-qahen hain

jahan ehsas ki andhi guphaen hain

wo kis ki ungliyan thin jin ke lams-e-sehr-agin ne

unhen izn-e-suKHan baKHsha

wo kis ki garmi-e-dil thi ki jis ne un ko tan baKHsha

yahan har shaKHs aaega

magar us ko na paega

use DhunDo wo shayad un chaTanon mein chhupa hoga

ye pahli shart thi un ke takallum ki

ki jo bhi un ke asrar-e-muqaffal DhunDne aae

wo KHud un mein sama jae