ajib hoti hai ye mohabbat

nasīb vāloñ ke dil meñ jab bhī ye jāgtī hai

to pahle nīndeñ ujāḌtī hai

ye jhūmtī hai ye nāchtī hai

ye phailtī hai ye boltī hai

har ek lamha har ek va.ade ko taultī hai

ye apne pyāroñ ko mārtī hai

salīb hotī hai ye mohabbat

ajiib hotī hai ye mohabbat

ye phailtī hai to peḌ bantī hai chhāñv kartī ye ruup detī

ye chhāñv kar ke bhī dhuup detī

kabhī kabhī to bas aap apnī raqīb hotī hai ye mohabbat

ajiib hotī hai ye mohabbat

lahū kī sūrat ragoñ meñ dauḌe

ye ḳhvāb ban kar nazar meñ Thahre

sahāb ban kar falak se barse

ise jo dariyā meñ Daal aao to ik samundar kā ruup dhāre

kahīñ jo sahrā meñ gaaḌ aao to phuul ban kar diloñ meñ mahke

ise jo dīvār meñ bhī chun do to har kalī meñ ho aks is kā

har ik galī meñ ho raqs is kā

ajiib hotī hai ye mohabbat

kisī kisī ko

kisī kisī ko nasīb hotī hai ye mohabbat

nasib walon ke dil mein jab bhi ye jagti hai

to pahle ninden ujaDti hai

ye jhumti hai ye nachti hai

ye phailti hai ye bolti hai

har ek lamha har ek wade ko taulti hai

ye apne pyaron ko marti hai

salib hoti hai ye mohabbat

ajib hoti hai ye mohabbat

ye phailti hai to peD banti hai chhanw karti ye rup deti

ye chhanw kar ke bhi dhup deti

kabhi kabhi to bas aap apni raqib hoti hai ye mohabbat

ajib hoti hai ye mohabbat

lahu ki surat ragon mein dauDe

ye KHwab ban kar nazar mein Thahre

sahab ban kar falak se barse

ise jo dariya mein Dal aao to ek samundar ka rup dhaare

kahin jo sahra mein gaD aao to phul ban kar dilon mein mahke

ise jo diwar mein bhi chun do to har kali mein ho aks is ka

har ek gali mein ho raqs is ka

ajib hoti hai ye mohabbat

kisi kisi ko

kisi kisi ko nasib hoti hai ye mohabbat