ajnabi

vo ajnabī thā

mire nagar meñ

ek aisī manzil kā rāh-rau

jo faqat tamannā thī raushnī thī

maiñ kis se pūchhūñ

kahāñ hai vo ajnabī musāfir

jo pyaar kī dhuup le ke aayā

aur ab gayā hai

tū hañstā hañstā

ye shahr sunsān kar gayā hai

maiñ kaise mānūñ

ki jaane vaale ko

hādse kī ḳhabar nahīñ hai

jo shahr-e-dil par guzar gayā hai

maiñ kaise jānūñ

ki duur jā kar

udaas hai ḳhush hai jāgtā hai

ki so rahā hai

kabhī mujhe bhī vo sochtā hai

maiñ kis se pūchhūñ

ki maiñ yahāñ

ḳhud bhī ajnabī huuñ

wo ajnabi tha

mere nagar mein

ek aisi manzil ka rah-rau

jo faqat tamanna thi raushni thi

main kis se puchhun

kahan hai wo ajnabi musafir

jo pyar ki dhup le ke aaya

aur ab gaya hai

tu hansta hansta

ye shahr sunsan kar gaya hai

main kaise manun

ki jaane wale ko

hadse ki KHabar nahin hai

jo shahr-e-dil par guzar gaya hai

main kaise jaanun

ki dur ja kar

udas hai KHush hai jagta hai

ki so raha hai

kabhi mujhe bhi wo sochta hai

main kis se puchhun

ki main yahan

KHud bhi ajnabi hun