alfaz ki wiladat

us ne

ramte jogī ke aage

roTiyāñ rakh deñ

aur bahte paanī ke sāmne

ek dīvār khaḌī kar ke

fātehāna andāz meñ kahā:

dekho! maiñ ne donoñ ko rok diyā hai

aur ab tumhārī baaī hai

ye kah kar us ne

mere tamām rañg kīchaḌ meñ ulaT diye

maiñ ne dauḌ kar qalam uThānā chāhā

lekin us ne

mere hāthoñ ke pahoñche utarvā diye

maiñ zor zor se chīḳhne lagā

to us ne merī zabān kaaT kar pheñk dī

aur mujhe mazbūt añdheroñ se jakaḌ diyā

sālhā-sāl se

ghaTā-Top ḳhāmoshiyāñ basar kartā huā

maiñ dekh rahā huuñ

kīchaḌ meñ bikhre hue rañgoñ ke biich

merī kaTī huī zabān

dard-e-zeh se taḌap rahī hai

alfāz kī vilādat kā din

qarīb aa gayā hai

us ne

ramte jogi ke aage

roTiyan rakh den

aur bahte pani ke samne

ek diwar khaDi kar ke

fatehana andaz mein kaha:

dekho! main ne donon ko rok diya hai

aur ab tumhaari bai hai

ye kah kar us ne

mere tamam rang kichaD mein ulaT diye

main ne dauD kar qalam uThana chaha

lekin us ne

mere hathon ke pahonche utarwa diye

main zor zor se chiKHne laga

to us ne meri zaban kaT kar phenk di

aur mujhe mazbut andheron se jakaD diya

salha-sal se

ghaTa-Top KHamoshiyan basar karta hua

main dekh raha hun

kichaD mein bikhre hue rangon ke bich

meri kaTi hui zaban

dard-e-zeh se taDap rahi hai

alfaz ki wiladat ka din

qarib aa gaya hai