ana ka kaun sa chehra tha wo

anā kā kaun sā chehra thā vo

maiñ ye samajh paayā nahīñ huuñ aaj tak

ḳhabar ye aa.ī thī

tabī'at raat se behtar hai kuchh is vaqt un kī

mujhe ye baat sun kar to ḳhushī se jhuum uThnā chāhiye thā

magar maiñ chup khaḌā thā

ye shāyad vo nahīñ thā jo maiñ sunñā chāhtā thā

to kyā is ḳhaas pal meñ

maiñ un kī maut kā ḳhvāhāñ thā

aur vo bhī is zarā sī baat par

ki maiñ ne raat yūñhī dostoñ ke biich meñ ye kah diyā thā

mujhe āsār kuchh achchhe nahīñ lagte

savere tak bhī ye zinda agar rah jaa.eñ to jaano

kahā puurā na hone kī mirī

be'izzatī

kisī kī jaan se baḌh kar bhī ho saktī hai

mujh ko ye nahīñ mā'lūm thā

ana ka kaun sa chehra tha wo

main ye samajh paya nahin hun aaj tak

KHabar ye aai thi

tabi'at raat se behtar hai kuchh is waqt un ki

mujhe ye baat sun kar to KHushi se jhum uThna chahiye tha

magar main chup khaDa tha

ye shayad wo nahin tha jo main sunna chahta tha

to kya is KHas pal mein

main un ki maut ka KHwahan tha

aur wo bhi is zara si baat par

ki main ne raat yunhi doston ke bich mein ye kah diya tha

mujhe aasar kuchh achchhe nahin lagte

sawere tak bhi ye zinda agar rah jaen to jaano

kaha pura na hone ki meri

be'izzati

kisi ki jaan se baDh kar bhi ho sakti hai

mujh ko ye nahin ma'lum tha