apni pahchan

dānishvarī saarī aqloñ kā ishtihār ek taraf aur

jazboñ kā bāzār ek taraf

logoñ ko pahchānñe un ko jānñe ke liye kyā ab

academy qaa.em hogī

ham

sab ko achchhā kahne vaale log

hamārī apnī pahchān jaane kis ke havāle se hogī

hamārī zard chehroñ se

aur hairān āñkhoñ se ki tamāshā hamārī āñkhoñ ke sāmne sadme kī

tarah ho rahā hai

aur ham kuchh kah nahīñ sakte

suno ye man-made society hai

jo tumhāre mardoñ ke ahkām haiñ un par chalo

ek mard tumheñ zinda dafn karnā chāhtā hai

ek tumheñ āsmān kī bulandiyoñ tak le jaanā chāhtā hai

ek tumheñ āzād dekhnā chāhtā hai

ek tumheñ sīdhā rāsta dikhānā chāhtā hai

ek tumheñ apnī mohabbat se maġhlūb karnā chāhtā hai

vaise bhī ġhulām aaqā kī baat ko Taal nahīñ saktā

vo tum se mohabbat kartā hai tumhārī izzat nahīñ kar saktā

izzat sañbhālnā hai to ghar meñ baiTho

mard ke sāmne auratoñ kī āzādī kī taqrīreñ karne ke ba.ad

jab tum us ke jazbe meñ bañdhogī

to tum ek aur ġhulāmī ek aur zillat meñ jakaḌ dī jāogī

tumhārī pahchān kis havāle hogī

ġhulām aur aaqā ke havāle se

bas phaḌ.phaḌāte raho bebas panchhī kī tarah

ki jis ko parvāz kī raah dikhā kar

par kaaT diye ga.e hoñ

danishwari sari aqlon ka ishtihaar ek taraf aur

jazbon ka bazar ek taraf

logon ko pahchanne un ko jaanne ke liye kya ab

academy qaem hogi

hum

sab ko achchha kahne wale log

hamari apni pahchan jaane kis ke hawale se hogi

hamari zard chehron se

aur hairan aankhon se ki tamasha hamari aankhon ke samne sadme ki

tarah ho raha hai

aur hum kuchh kah nahin sakte

suno ye man-made society hai

jo tumhaare mardon ke ahkaam hain un par chalo

ek mard tumhein zinda dafn karna chahta hai

ek tumhein aasman ki bulandiyon tak le jaana chahta hai

ek tumhein aazad dekhna chahta hai

ek tumhein sidha rasta dikhana chahta hai

ek tumhein apni mohabbat se maghlub karna chahta hai

waise bhi ghulam aaqa ki baat ko Tal nahin sakta

wo tum se mohabbat karta hai tumhaari izzat nahin kar sakta

izzat sanbhaalna hai to ghar mein baiTho

mard ke samne auraton ki aazadi ki taqriren karne ke baad

jab tum us ke jazbe mein bandhogi

to tum ek aur ghulami ek aur zillat mein jakaD di jaogi

tumhaari pahchan kis hawale hogi

ghulam aur aaqa ke hawale se

bas phaDphaDate raho bebas panchhi ki tarah

ki jis ko parwaz ki rah dikha kar

par kaT diye gae hon