apni pahchan

hāthī dekh ke chyūñTī bolī kitnā hai be-Daul badan

chūhe ne bhī uuñT kī lambā.ī ko samjhā pāgal-pan

gājar shaljam aur muulī ne kahā ki chaupaT hai baiñgan

dūsroñ ke baare meñ yuuñ to sab kuchh kahnā hai āsān

sab se ziyāda mushkil hai duniyā meñ ḳhud apnī pahchān

kelā aur amrūd ye bole aam to hai garmī kā phal

tauba tauba ho jā.eñge ham is mausam meñ pāgal

līchī bolī dekho kitnā be-Dhañga sā hai kaT.hal

is ko khāne vaalā hogā aisā hī koī nādān

sab se ziyāda mushkil hai duniyā meñ ḳhud apnī pahchān

jin kī sifat hai aage baḌhnā rahte vo ḳhāmosh

karte haiñ vo baat vazn kī nahīñ dikhāte josh

rakhte haiñ jazbāt pe qaabū khote nahīñ vo hosh

nahīñ chalāte uḌte bādal par lafzoñ ke tīr-o-kamān

sab se ziyāda mushkil hai duniyā meñ ḳhud apnī pahchān

hathi dekh ke chyunTi boli kitna hai be-Daul badan

chuhe ne bhi unT ki lambai ko samjha pagal-pan

gajar shaljam aur muli ne kaha ki chaupaT hai baingan

dusron ke bare mein yun to sab kuchh kahna hai aasan

sab se ziyaada mushkil hai duniya mein KHud apni pahchan

kela aur amrud ye bole aam to hai garmi ka phal

tauba tauba ho jaenge hum is mausam mein pagal

lichi boli dekho kitna be-Dhanga sa hai kaThal

is ko khane wala hoga aisa hi koi nadan

sab se ziyaada mushkil hai duniya mein KHud apni pahchan

jin ki sifat hai aage baDhna rahte wo KHamosh

karte hain wo baat wazn ki nahin dikhate josh

rakhte hain jazbaat pe qabu khote nahin wo hosh

nahin chalate uDte baadal par lafzon ke tir-o-kaman

sab se ziyaada mushkil hai duniya mein KHud apni pahchan