aql-mand shikari

gaañv meñ sher kā ik shikārī bhī thā

khātā thā dasht kī vo hamesha havā

sher ko us ne qabze meñ ik din kiyā

shaam hotī ga.ī baḌh gayā dhuñdalkā

bakriyoñ ko bhī vo pāltā thā sadā

ghaas bhī dasht se saath vo laatā thā

ghaas aur bakrī bhī us ke hamrāh the

sher ke saath dekho ye donoñ chale

raah meñ un kī pul ek haa.il huā

dhuñdalkā gahrā hone lagā shaam kā

pul ke rakhvāle ne us ko rokā kahā

paar tum pul ko kar sakte ho barmalā

sirf ik chiiz ko saath le jāoge

apnī manzil ko phir dekh lo pāoge

tum jo chāho to vāpas bhī aa sakte ho

ek shai saath apne bhī lā sakte ho

soch meñ paḌ gayā ab shikārī bahut

shart thī vāqa.ī aaj bhārī bahut

ghaas ko saath le jaanā mushkil hī thā

kyuuñ ki ḳhud sher bakrī ko khā jā.egā

haañ agar sher ko saath le jā.ūñgā

bakrī chāra banā Dālegī ghaas kā

kashmakash meñ shikārī abhī paḌ gayā

kaise hal hogā hai ye baḌā mas.ala

ab use kuchh samajh meñ to aayā nahīñ

sochte sochte jhuk ga.ī thī jabīñ

ek tarkīb āḳhir ko sūjhī use

pul se guzrā vo ab bachcho bakrī liye

paar bakrī ne ai bachcho pul jo kiyā

ghaas ko sher bas sūñgh kar rah gayā

aayā vāpas palaT kar shikārī abhī

us kī āñkhoñ meñ bachcho chamak jaag uThī

is taraf sher aur us taraf bakrī thī

ghaas le jaane kī baarī ab aa ga.ī

ghaas kā gaTThā saath apne vo le gayā

sher bas muñh shikārī kā taktā rahā

ghaas ko bakrī ke paas us ne rakkhā

aur bakrī ko ḳhud us ne vāpas liyā

is taraf ghaas kā sirf gaThā rahā

kyuuñ ki ḳhatra milan sher o bakrī kā thā

is liye sher ko saath le kar chalā

sher ko ghaas ke paas chhoḌā gayā

sochiye ghaas ko sher khā.egā kyā

ghaas ko sher bas sūñgh kar rah gayā

ab shikārī chalā bakrī laane ko saath

ab ke bakrī kī rassī pe thā us kā haath

ab vo bakrī ke hamrāh aa hī gayā

sher dil meñ hī ḳhud ġhurrātā rahā

ek jānib thī bakrī to ik samt sher

kī nahīñ ab shikārī ne jaane meñ der

ghaas kā gaThā sar par shikārī ke thā

gaañv kā apne ab us ne rasta liyā

yuuñ shikārī ne gutthī ko suljhā liyā

un ke jaane kā bhī mas.ala hal huā

ganw mein sher ka ek shikari bhi tha

khata tha dasht ki wo hamesha hawa

sher ko us ne qabze mein ek din kiya

sham hoti gai baDh gaya dhundalka

bakriyon ko bhi wo palta tha sada

ghas bhi dasht se sath wo lata tha

ghas aur bakri bhi us ke hamrah the

sher ke sath dekho ye donon chale

rah mein un ki pul ek hail hua

dhundalka gahra hone laga sham ka

pul ke rakhwale ne us ko roka kaha

par tum pul ko kar sakte ho barmala

sirf ek chiz ko sath le jaoge

apni manzil ko phir dekh lo paoge

tum jo chaho to wapas bhi aa sakte ho

ek shai sath apne bhi la sakte ho

soch mein paD gaya ab shikari bahut

shart thi waqai aaj bhaari bahut

ghas ko sath le jaana mushkil hi tha

kyun ki KHud sher bakri ko kha jaega

han agar sher ko sath le jaunga

bakri chaara bana Dalegi ghas ka

kashmakash mein shikari abhi paD gaya

kaise hal hoga hai ye baDa masala

ab use kuchh samajh mein to aaya nahin

sochte sochte jhuk gai thi jabin

ek tarkib aaKHir ko sujhi use

pul se guzra wo ab bachcho bakri liye

par bakri ne ai bachcho pul jo kiya

ghas ko sher bas sungh kar rah gaya

aaya wapas palaT kar shikari abhi

us ki aankhon mein bachcho chamak jag uThi

is taraf sher aur us taraf bakri thi

ghas le jaane ki bari ab aa gai

ghas ka gaTTha sath apne wo le gaya

sher bas munh shikari ka takta raha

ghas ko bakri ke pas us ne rakkha

aur bakri ko KHud us ne wapas liya

is taraf ghas ka sirf gaTha raha

kyun ki KHatra milan sher o bakri ka tha

is liye sher ko sath le kar chala

sher ko ghas ke pas chhoDa gaya

sochiye ghas ko sher khaega kya

ghas ko sher bas sungh kar rah gaya

ab shikari chala bakri lane ko sath

ab ke bakri ki rassi pe tha us ka hath

ab wo bakri ke hamrah aa hi gaya

sher dil mein hi KHud ghurraata raha

ek jaanib thi bakri to ek samt sher

ki nahin ab shikari ne jaane mein der

ghas ka gaTha sar par shikari ke tha

ganw ka apne ab us ne rasta liya

yun shikari ne gutthi ko suljha liya

un ke jaane ka bhi masala hal hua