ashkon mein dhanak

is retīle badan kī

jhulsī huī ragoñ meñ

hai tel kā tamāsha

aur barf kī tahoñ meñ

hai sūrajoñ kā girya

yā pāniyoñ kī dahshat

yā ḳhushk-sāliyāñ haiñ

mahtāb se Tapaktā

tārīkiyoñ kā laavā

ruḳhsār dāġhtā hai

us sub.h kā sitārā

chiḌiyoñ ke ghoñsloñ meñ

bārūd bāñTtā hai

un choTiyoñ pe parcham

anjān vādiyoñ ke

aur vādiyoñ pe daa.im

anjān choTiyoñ ke

sāyoñ kī hukmarānī

ye mere āñsuoñ meñ

rakhī huī dhanak hai

us husn kī kahānī

namkīn pāniyoñ kī

taskīn ban rahī hai

un sabz gumbadoñ par

baiThe hue kabūtar

āñkheñ nahīñ jhapakte

aur bargadoñ ke pīchhe

so.e hue payambar

ḳhvāboñ meñ jāgte haiñ

in ā.inoñ pe miTTī

in khiḌkiyoñ meñ jaale

ye jaam reza reza

ye tishna-lab navā-gar

ye be-navā gadāgar

aur retīle badan kī

jhulsī huī ragoñ meñ

hai tel kā ḳhazāna

is barf kī tahoñ meñ

in sūrajoñ kā girya

sailāb kab banegā

ye ret kab dhulegī

in ḳhushk Tahniyoñ meñ

mahtāb kab banegā

sadiyoñ kā bojh uThā.e

sadiyoñ se muntazir haiñ

qirtās-e-ahmarīñ par

dhabbe se raushnī ke

lā-raib ye risālat

lā-raib ye sahīfe

lekin tire ujāle

dīmak hī chāTtī thī

dīmak hī chāTtī hai

is retile badan ki

jhulsi hui ragon mein

hai tel ka tamasha

aur barf ki tahon mein

hai surajon ka girya

ya paniyon ki dahshat

ya KHushk-saliyan hain

mahtab se Tapakta

tarikiyon ka lawa

ruKHsar daghta hai

us subh ka sitara

chiDiyon ke ghonslon mein

barud banTta hai

un choTiyon pe parcham

anjaan wadiyon ke

aur wadiyon pe daim

anjaan choTiyon ke

sayon ki hukmarani

ye mere aansuon mein

rakhi hui dhanak hai

us husn ki kahani

namkin paniyon ki

taskin ban rahi hai

un sabz gumbadon par

baiThe hue kabutar

aankhen nahin jhapakte

aur bargadon ke pichhe

soe hue payambar

KHwabon mein jagte hain

in aainon pe miTTi

in khiDkiyon mein jale

ye jam reza reza

ye tishna-lab nawa-gar

ye be-nawa gadagar

aur retile badan ki

jhulsi hui ragon mein

hai tel ka KHazana

is barf ki tahon mein

in surajon ka girya

sailab kab banega

ye ret kab dhulegi

in KHushk Tahniyon mein

mahtab kab banega

sadiyon ka bojh uThae

sadiyon se muntazir hain

qirtas-e-ahmarin par

dhabbe se raushni ke

la-raib ye risalat

la-raib ye sahife

lekin tere ujale

dimak hi chaTti thi

dimak hi chaTti hai