aur pani Thahar gaya

aur paanī Thahar gayā āñkhoñ meñ chehra siyāh huā

aur āñkheñ phail ga.iiñ

aur āñkheñ phail ga.iiñ āñkhoñ meñ honā gunāh huā

us din saare likhne vaale ghar aa.e aur luuT ga.e

aur sab kī āñkheñ Thahar ga.iiñ aur sab kā chehra phail gayā

māhī-gīroñ ne us din be-andāza jaal bune

aur bachche bhūke hī so.e

aur maa.eñ bistar baan kise chup leT ga.iiñ

aur jab māhī-gīroñ kī bastī meñ raat aa.ī

sab jaal sameTe ghar aa.e aur lauT ga.e

aur sab kī āñkheñ Thahar ga.iiñ aur sab kā chehra phail gayā

ye raat samundar paar se ho kar aa.ī thī

so beach samundar Thahar ga.ī

us raat kī jis ne baat likhī vo ghar na gayā

vo beach samundar Thahar gayā

vo miTTī kī zanjīroñ se āzād huā

so aane vaalā kal jo nahīñ hai us kā hai

jab barf saroñ par aa.egī tum jāgoge

aur pichhle uunī moze kaam na deñge

aur shāleñ sarsar khultī jā.eñgī

aur bīviyāñ Dar kar uTheñgī

ai pichhlī rut ke chalne vaale luuT chalo

murde mardoñ ko ḳhud dafn kareñge

jab bache shāḳhoñ par palte hoñ bārish kā kyā ḳhauf

haañ bārish sāgar kā pahlā harkāra hai

aur kīloñ kī ye joḌī laḌke kal tak saath na degī

vo āñkheñ mīche hañstī hai aur sotī hai

laḌke jaldī ghar aa jaanā

paanī Thahar gayā hai

aur laḌkā ghar na gayā

vo laḌkā ghar na gayā

aur dekhne vāloñ ne dekhā

vo barf ke tuude khīñchtā thā aur rotā thā

aur ghar paanī ke beach jhakole khātā thā

paanī jo Thahar gayā

aur pani Thahar gaya aankhon mein chehra siyah hua

aur aankhen phail gain

aur aankhen phail gain aankhon mein hona gunah hua

us din sare likhne wale ghar aae aur luT gae

aur sab ki aankhen Thahar gain aur sab ka chehra phail gaya

mahi-giron ne us din be-andaza jal bune

aur bachche bhuke hi soe

aur maen bistar ban kise chup leT gain

aur jab mahi-giron ki basti mein raat aai

sab jal sameTe ghar aae aur lauT gae

aur sab ki aankhen Thahar gain aur sab ka chehra phail gaya

ye raat samundar par se ho kar aai thi

so beach samundar Thahar gai

us raat ki jis ne baat likhi wo ghar na gaya

wo beach samundar Thahar gaya

wo miTTi ki zanjiron se aazad hua

so aane wala kal jo nahin hai us ka hai

jab barf saron par aaegi tum jagoge

aur pichhle uni moze kaam na denge

aur shaalen sarsar khulti jaengi

aur biwiyan Dar kar uThengi

ai pichhli rut ke chalne wale luT chalo

murde mardon ko KHud dafn karenge

jab bache shaKHon par palte hon barish ka kya KHauf

han barish sagar ka pahla harkara hai

aur kilon ki ye joDi laDke kal tak sath na degi

wo aankhen miche hansti hai aur soti hai

laDke jaldi ghar aa jaana

pani Thahar gaya hai

aur laDka ghar na gaya

wo laDka ghar na gaya

aur dekhne walon ne dekha

wo barf ke tude khinchta tha aur rota tha

aur ghar pani ke beach jhakole khata tha

pani jo Thahar gaya