aur tum nahin aae

shaam jā chukī kab kī

raat aa chukī kab kī

qahqahe parindoñ ke

gum hue fazāoñ meñ

ḳhāmushī ke dāman meñ

so ga.e haiñ hangāme

āsmān abr-ālūd

bijliyāñ chamaktī haiñ

tīrgī miTāne ko

is muhīb manzar meñ

muntazir nigāhoñ kā

ik charāġh raushan hai

aur tum nahīñ aa.e

shabnamī libāsoñ meñ

phuul sab muzayyan haiñ

ḳhushbuoñ ke naġhme se

ye fazā mo.attar hai

jugnuoñ kī bārish se

jā-ba-jā ujālā hai

sard sard jhoñkā hai

boltā darīcha hai

qāfila sitāroñ kā

āsmāñ kī bāhoñ meñ

pyaar kī panāhoñ meñ

kab se aa ke Thahrā hai

aur tum nahīñ aa.e

narm-rū havā paiham

nanhe nanhe paudoñ kā

so.e so.e peḌoñ kā

ūñche ūñche Tīloñ kā

dhuul dhuul rastoñ kā

saaf saaf jharnoñ kā

ḳhvāb ḳhvāb āñkhoñ kā

chāñd chāñd chehroñ kā

phuul phuul jismoñ kā

bosa le ke aatī hai

vasl kā mohabbat kā

ek giit gaatī hai

aur tum nahīñ aa.e

sham ja chuki kab ki

raat aa chuki kab ki

qahqahe parindon ke

gum hue fazaon mein

KHamushi ke daman mein

so gae hain hangame

aasman abr-alud

bijliyan chamakti hain

tirgi miTane ko

is muhib manzar mein

muntazir nigahon ka

ek charagh raushan hai

aur tum nahin aae

shabnami libason mein

phul sab muzayyan hain

KHushbuon ke naghme se

ye faza moattar hai

jugnuon ki barish se

ja-ba-ja ujala hai

sard sard jhonka hai

bolta daricha hai

qafila sitaron ka

aasman ki bahon mein

pyar ki panahon mein

kab se aa ke Thahra hai

aur tum nahin aae

narm-ru hawa paiham

nanhe nanhe paudon ka

soe soe peDon ka

unche unche Tilon ka

dhul dhul raston ka

saf saf jharnon ka

KHwab KHwab aankhon ka

chand chand chehron ka

phul phul jismon ka

bosa le ke aati hai

wasl ka mohabbat ka

ek git gati hai

aur tum nahin aae